Dimatekenu 3:6 - O Mikanda Ikola

⁶ O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Dimatekenu 3:6 ပူးပေါင်းရင်းမြစ်များ

Dimatekenu 3:12

Bhenhobho diiala uixi, o muhatu ua ngi bhana kukala-nê, muene ua ngi bhana ku muẋi, eme nga di.

Dimatekenu 3:17

Anga u ambela Adá, uixi: Mukonda eie uevu dízui dia muhetuʼé, eie ua di ku muẋi u nga ku kidika, ngixi kana kudia-ku; mavu-phe a a te mázui mukonda diʼeie, u dia-ku ni lamba, izuua ioso ia muenhu ué;

Dimatekenu 39:7

Kia zubha kubhita imʼiii, mukajiʼa ngana iê u kala mu ku ta mesu kua Zuze; anga u mu ambela, uixi: Ndoko, tu zekietu.

Dimatekenu 6:2

Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

II Samuuele 11:2

Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

I Jisobha 13:19

Anga muene ualuluka, hé uiza, anga u dia mbolo mʼonzo iê anga u nua menha,

Jobe 31:1

Nga te kikutu ni mesu mami; ngi ma talesa-phe kiebhi ku monʼa kilumba kia muzeletete?

Izekiiele 24:16

Eie monʼa diiala, tala, kiókio kiene mu kuinda o mesuʼé nga-nda ku ku katula-kiu mu lumoxi ngó; maji kua-nda ku di tata, mba u dila, mba mu mesu mé mu tunda kisoxi.

Izekiiele 24:21

Tangela o diembu dia Izalaiele, uixi: O Jihova Nzambi uambe kiki: Talenduze, kuma eme o dibhezelu diami nganda ku di buakulula ene o matunda a mbonge ienu, o kima kiene mu kuinda o mesu menu, o disangulukilu dia miẋima ienu; o anʼenu a mala ni anʼenu a ahetu, u mua xisa, a kà tenuka ku xibhata.

Izekiiele 24:25

O ku mbandu ié-phe, eie monʼa diiala, kia-nda kua kà bhita, kuila, mu kizuua eme ki nga-nda ku a katula o mbonge iâ, o matunda a makembu mâ, kiene mu kuinda o mesu mâ, kia didila o miẋima iâ, o anʼâ a mala ni anʼâ a ahetu,

Hozeia 6:7

Maji ene o kikutu a ki matuka, kala kia bhange Adá; ia a ngi balukila, ni ku ngi bhanga phulu.

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

I Timote 2:14

Adá ue ka mu nganalele, a mu nganalele o muhatu, iú ua tuamena kutondala o kijila kia Nzambi.

Josuué 7:21

kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.

I Nzuá 2:16

Kuma o ima ioso iene ku mundu, ki ima ia tundu kua Tata. O jihânji jaiibha ja luimbi lua xitu, o vondadi ia luimbi lua kumesena ima ioso i mona o mesu, ni izala mu ima ioso iene ku muenhu—ima ioso íii ia mundu.

Afundixi 14:17

Muhatu-phe u jijila kudila bhu pholo ié mu sambuadi dia izuua ioso ia ubhanga (fesa); kutula-phe kizuua kia kasambuadi muene u mu tangela, mukonda ua mu tatesa kiavulu; muhatu-phe uia, nongonongo ié u i tangela nzangi ia akua bhata diê.