Dimatekenu 3:20 - O Mikanda Ikola

²⁰ Adá anga u luka muhatuʼé o dijina dia Eva; kuma muene mama ia athu oso a muenhu.

Dimatekenu 3:20 ပူးပေါင်းရင်းမြစ်များ

Dimatekenu 16:11

Anjo ia Jihova anga u mu ambela, uixi: Ki uala ni divumuʼokio, ua-nda kuvuala monʼa diiala; ua kà mu luka dijina dia Ijimaiele, mukonda Jihova ua ku ivu o kutata kuê.

Dimatekenu 2:20

Adá anga u luka majina ma ibhaku ioso, ni jinjila ji bhita bhulu, ni iama mu iangu; maji o muthu-phe ka moneka mukuâ a di fuangana-nê uia ni ku mu kuatekesa.

Dimatekenu 2:23

Adá anga u zuela, uixi: Kiki kifuba kia tundu mu ifuba iami, xitu ia tundu mu xitu iami; dijina diê a kà mu ixana muhatu mukonda ua tundu ku diiala.

Dimatekenu 3:21

Ngana Nzambi anga u tungila Adá ni mukajiʼê, jimbinza ja ibha, anga u a zuika.

Dimatekenu 35:18

Mu kuiza-ku-phe, kioso kiala mu lekela, kuma kufua kua mu iza, mona u mu luka dijina dia Ben-oni; maji o tatʼâ-phe u mu luka, uixi: Bejamí.

Dimatekenu 5:29

Anga u mu luka dijina dia Noué, uixi: Muenʼiú u tu bhandulula mu ibhangelu ietu, ni mu kukalakala kua maku metu, mukonda dia mavu iá òʼnake kuala Ngana.

Makatukilu 2:10

Mona anga u kula, anga u mu bheka kiua kua monʼa Falaó, ua di bhange monʼê, anga u mu luka dijina dia Mozé, kuma uambe, uixi: Nga mu zaúla mu menha.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.

II Kolindo 11:3

Maji kala Eva kia mu nganalele kuala o nhoka ni makutu mê, eme uami ngala ni hele, sumba ku matelu-matelu, enu uenu ilunji a mi juualesa-iu, nʼa mi katule o kubheza Kristu mu kuzela ni kuiuka.

I Timote 2:13

Kuma a diangele ku mu bhanga Adá, Eva ua kaiela.

I Samuuele 1:20

kubhiẋila bhu thembu iê, Hana anga u imita u vuala monʼa diiala; anga u mu luka dijina dia Samuuele, uixi: Mukonda nga mu bhingi kua Jihova.