Dimatekenu 3:17 - O Mikanda Ikola

¹⁷ Anga u ambela Adá, uixi: Mukonda eie uevu dízui dia muhetuʼé, eie ua di ku muẋi u nga ku kidika, ngixi kana kudia-ku; mavu-phe a a te mázui mukonda diʼeie, u dia-ku ni lamba, izuua ioso ia muenhu ué;

Dimatekenu 3:17 ပူးပေါင်းရင်းမြစ်များ

Dimatekenu 3:11

Kuala Nzambi: Nanhi ua ku tangela-kiu, kuma eie uala tuẋi? O kuila uadi ku muẋi u nga ku kidika, ngixi kana kudia-ku?

Dimatekenu 3:18

mavu a ku sabhukila jinga minha ni holokoso, eie muene-phe o kudia kué, idima i tunda mu mavu;

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Dimatekenu 5:29

Anga u mu luka dijina dia Noué, uixi: Muenʼiú u tu bhandulula mu ibhangelu ietu, ni mu kukalakala kua maku metu, mukonda dia mavu iá òʼnake kuala Ngana.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Jobe 14:1

O muthu, a mu vuala ku monʼa muhatu, u bhanga ngó tu izuua, kene kunanga ku muenhu iú ua vula malamba.

Jobe 21:17

Lukuxi kia mu bhita kuila o mukengeji ua isuéia u jima? Mba kibuika ki a tukumuisa? Mba-phe o Nzambi mu njinda iê u a uanena misusu?

Jisálamu 127:2

Kingoho ue o kudimeneka ku thonga, ni kuseiala usuku kudia kua ku di huha; kuma oso a a zolo kuala muene, a a bhela ku kilu.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 2:17

Anga o muenhu iú u ngi iibhila, mukonda o ikalakalu ioso ku mundu i bheka ngó malamba! Kidi muene. Ioso muene kulu-diamundu kingoho ni ʼlamba dia muẋima!

Ndongixi 5:17

Kia kexile ku muenhu u dia usuku izuua ioso, ni kutala hadi ia vulu ia ku di bhonda ni kukalakala, ni ndumba dia misusu iê koko, suke bhu kala ni bhabha u thathamana hanji, u kala ni njinda!

Matesu 22:12

Anga u mu ambela, uixi: Kamba, eie ueza kiebhi mumu ua kambe o kizuatu kia ukaza? Muène-phe kia zuela ka ki mono.

Matesu 25:45

Muène ua kà kumbulula: Kidi kiene ngi mi ambela: kioso ki mua kamba kubhanga ku jiphange jamiʼ ji ja ndenge, Eme-muème mua kamba ku ngi bhanga-kiu.

Luka 19:22

Ngana iê uixi: U mubhika ua bhukumuka! Ngi ku belesela mu kanu dié muene. Eie ua ngʼijiia ngi muthu ua tèma, ngi katula ku akuetu o kima ki kia ngi tokala, ngi kanza idima bhuma ki nga kunine-bhu.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Jihebeleu 6:8

O ki kala-phe ma bhana ngó minha ni holokoso, ma kuata usudi; kua kambe ngó a ma ta mazui kuala Nzambi, o hinu kua suka a ma ta mu tubhia.