Dimatekenu 3:14 - O Mikanda Ikola

¹⁴ Jihova Nzambi anga u ambela o nhoka, uixi: Mukonda ua bhange kiki a ku te mázui, a ku tungula mu ibhaku ioso ni iama ioso ia iangu; u huhuta jinga ni mala bhoxi, u dia mavu izuua ioso ia muenhu ue.

Dimatekenu 3:14 ပူးပေါင်းရင်းမြစ်များ

Dimatekenu 3:1

Tala, o nhoka-phe i beta kudimuka, jixitu joso ja iangu ndenge, ja bhanga Jihova Nzambi. Nhoka anga i ambela muhatu, ixi: Kifua Nzambi ua mi kidika kudia ku miẋi ioso ia díbhia?

Dimatekenu 4:11

Kiki-phe lamba dié, tundé ku mavu a bhane mu kanu mu kúnua manhinga ma phangʼié, ma tundu ku lukuaku lué.

Dimatekenu 9:6

O uoso u ẋamuna o manhinga ma muthu, muthu ni mukuâ a mu ẋamune ue o manhinga mê; kuma muthu a mu bhanga mu kidifuanganu kia Nzambi.

Jisálamu 72:9

Akua kikangalakata a kà mu diundila muene, o jinguma jê ji lesa mavu.

Izaía 29:4

Bhenhobho a kà ku lundumuna, u kuata kuzuelela koxi a mavu, uzuelelu ué utunda ku mavu ni kuloxalala; dízui dié diene dia-nda kuila kala dia mukua-uanga, dia mu tokomoka mu fufuta.

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Ijila 20:25

Muenda jinga ni kutungula o ibhaku iazele mu iii iaxidi, ni jinjila jaxidi mu jiji jazele, o kia kúdia muila kia kúdia; o kia musekanda muila kia musekanda; kana ku di xidisa o mienhu ienu mu kukuata kúdia ngó o iama ia kioso-kioso, mba jinjila, mba tubamba tuoso tu zanzala ni kudihuha o mala bhoxi; iene ioso iii enu nga mi longoʼio kiá ku i tungula ni mu di batuka na-iu, kuma misekanda.

Mikeia 7:17

A kà lesa fufutila ia mavu kala jinhoka, hé a kâ tunda ni kuteketa mu jingenda jâ kala ibamba iaʼxi ia mu huhutila bhoxi, a kʼèza kua Jihova Nzambi ietu ni kimbuua, eie muene a kà ku kuatela uôma.