Dimatekenu 29:32 - O Mikanda Ikola

³² Liia anga uimita, u vuala monʼa diiala, u mu luka Lubene: kuma uambe, uixi: Jihova ua ngi suu mu kusebuluka kuami; kiki munumʼiami ua-nda ku ngi zola.

Dimatekenu 29:32 ပူးပေါင်းရင်းမြစ်များ

Dimatekenu 16:11

Anjo ia Jihova anga u mu ambela, uixi: Ki uala ni divumuʼokio, ua-nda kuvuala monʼa diiala; ua kà mu luka dijina dia Ijimaiele, mukonda Jihova ua ku ivu o kutata kuê.

Dimatekenu 29:31

Jihova phe kia mono kuma Liia a mu zembe, u jikula divumu diê; Lakele-phe ua mu bhange kisûla.

Dimatekenu 31:42

Se o Nzambi ia tatʼetu, o Nzambi ia Mbalahamu, a mu mu kuatela uoma kuala Izake, ua kambele ku ngi bhângela, eie hinu ua ngi kaie maku a hatu. Nzambi ua tongolola o hadi iami i nga tale, ni kukalakala kua makuʼami, kiene kia ku bazelela mu usuku ua mazá.

Dimatekenu 35:22

Anga ki bhita-phe kuila, kioso Izalaiele kia tungu hanji mʼoxi muenhomo, Lubene uia u zeka ni Bila, mukamʼa phaiʼâ; Izalaiele anga u kʼivua. O anʼa Jakobo-phe a mala a kala kuinhi dia muthu ni kiiadi;

Dimatekenu 35:23

O anʼa Liia: Lubene, thungunu ia Jakobo, Ximinhá ni Levi ni Juda, ni Isakale, ni Nzebulone;

Dimatekenu 37:29

Lubene kia vutukila bhu dikungu, u sanga Zuze kala-mu dingi mu dikungu; bhenhobho u tandujula izuatu iê.

Dimatekenu 42:22

Lubene anga u a ambela, uixi: Eme ki ngi mi tangelele-kiu, ngixi mona ki mu mu te kituxi? Enu-phe ki mu ẋikinine kuivua! Leluʼidi-phe mua mono, mulonga ua tuiza ua manhinga mê.

Dimatekenu 42:27

Kutula bhu kilômbo-phe bhuoso bha-nda kuzeka, bhu kala muthu mudiâ u jikula o saku iê, phala ku katula kúdia kua kubhana o jumento iê, u tukumuka kitadi kiki kiala muene ku thandu muy saku iê.

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

I Malunda 5:1

O ku ana a Lubene, o phandekumbi ia Izalaiele, mukonda muene ua kexile phande-kumbi, maji mukonda dia ku katula o ujitu ua hama ia tata iê, iú ua i fukuila, uphande-kumbi uê a u bhana ana a Zuze, mona Izalaiele. Maji o Zuze ka mu soneka mu divulu dia Ingo-ia-Vumo kuila muene phandekumbi.

Jisálamu 106:44

Kiene kimoxi, muene u a suua mu kubhondalala kuâ, se ua a evu ia dikola kua muene.

Jisálamu 25:18

Xinganeka o kukenanana kuami, ni kubhondalala kuami, u ngi loloke o ituxi ioso ia ngi nemena.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Izekiiele 48:6

O ku tunda mu mbambe ia Ifalaími, tundé ku mbandu ia mutundila-kumbi ndú ku mbandu ia mufuilakumbi, Lubene muene mukua dikânda diê.

Dialuilu 1:5

Enhá-phe ene o majina ma athu u muʼimana-nâ. Kua Lubene: Elizule, monʼa Xedele.

Luka 1:25

Eué! Ngana ua ngi bhange o mbote! Izuuʼiíi muène ia ngi xinganeka o ku ngi katula muôndo muʼaxaxi ka akuetu. Kana-ku dingi muthu ua-nda ku ngi tela dibete.

Matendelelu 26:7

Bhenhobho anga tu di tenda kua Jihova Nzambi ia jitata jetu; Jihova-phe ua tu ivu mutendu ua dízui dietu, ua tongolola o dilamba dietu, ni thonga ietu iala ku tu huha, ni kubhondalala kuetu.

Matendelelu 27:13

O iá ue, Lubene ni Ngadi ni Asele, ni Nzebulone, ni Dane, ni Nafitali emana ku mulundu ua Ebale phala ku ta mázui.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 1:20

kubhiẋila bhu thembu iê, Hana anga u imita u vuala monʼa diiala; anga u mu luka dijina dia Samuuele, uixi: Mukonda nga mu bhingi kua Jihova.