Dimatekenu 28:3 - O Mikanda Ikola

³ Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

Dimatekenu 28:3 ပူးပေါင်းရင်းမြစ်များ

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 17:20

O ku mbandu ia Ijimaiele ue, nga ku ivu; talesa, ngi mu bhana ue o kuzediua, u kala kivuadi, ngi mu sokolola kiavulu muene; hinu u vuala kuinhi dia ngana ni kiiadi, ngi mu bhanga u kala kifuẋi kia dikota.

Dimatekenu 24:60

Anga a benzela Bebeka, a mu ambela, exi: Phangʼietu uà kala u mama ia jimidi ja ndumba, mbutu ié, i tambule konda ia muelu ua jinguma jâ.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 27:33

Izake bhenhobho anga u sasumuka, u teketa muene kiavulu, uixi: Nanhi muene-phe ua kuatele xitu ia unhanga, iú uejile na-iu bhabha, eme nga di kiá, ngekuta, eiʼeie ua mu bhingana-ke? Nga mu bhana kiá dibesá ua-nda kuzediua muene. Kuma o dibesá u kala na-diu muene.

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 41:52

Kiubha kiê anga u mu luka Ifalaíme: kuma uambe uixi: Nzambi ua ngi bhangesa kuvula o muiji mʼoxi iami ia ubhika.

Dimatekenu 43:14

o Nzambi, Muteni-a-Ioso, a mi bhane kiadi bhu pholo ia diialʼódio, phala a mi ehele kuiza ni phangʼienu iamukuâ, ni Bejamí. Eme kiá se kua ngi bhingi anʼami oso a ngi bua-nâ, kuabhu, ngi bhanga dingi kiebhi.

Dimatekenu 48:3

Jakobo anga u ambela Zuze, uixi: Nzambi, Muteni-a-Ioso, ua ngi tukulukila bhu Luze, mʼoxi ia Kanana iu ua ngi bhana o kizediuise,

Dimatekenu 48:4

uixi: Iala-ze, nga-nda ku ku bhangesa kudivuala ni kudivualulula, ngi ku bhanga u kala u ndumba dia ifuẋi, ixi iii ngi i bhana anʼê a ku bhingana, i kala undundu uâ, thembu ioso sé dizubhilu.

Dimatekenu 49:25

Xi, o Nzambi ia tatʼenu, muene u ku kuatekesa, Muteni-a-Ioso a ku bhane dibesá; a ku bhane mabesá ma diulu ku thandu, a ku bhane mabesá ma menha koxi a mavu, a ku bhane mabesá ma tatʼenu.

Dimatekenu 9:1

Nzambi anga u ta kizediuise kua Noué ni anʼê a mala, anga u a ambela, uixi: Di vualienu mu sokoloke, mu izalese o ngongo.

Jisálamu 127:1

Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

Jisálamu 127:3

Iala-ze! O ana, uene undundu u tunda kua Jihova; o ibundu ia divumu ue, muene u ku bhana-iu, kuma jene o jihuuilu.

Makatukilu 1:7

Maji anʼa Izalaiele anga a kala mu di vuala muene, a sokoloka, mueza kifuẋi kia dikota; ixi ioso iezala, ene mu ene.

Makatukilu 6:3

Nga tukulukila jinga Mbalahamu, ni Izake, ni Jakobo, kala ngi Nzambi, Muteni-a-ioso; maji ka ngʼijidile mu dijina diami dia Jihova.

II Kolindo 6:18

Ngi mi kale ngi Tata ienu, enu mu ngi kale mu anʼ ami a mala ni àhatu kiene kiambe Ngana Uatena-Ioso.

Dijingunuinu 21:22

O mu mbanza muene-phe ki nga mono-mo Tembulu, kuma o Ngana Nzambi, Kutènde, ni Kambudi, ene o Tembulu iê.

Lute 2:4

Bhenhobho-phe Bouaji u tunda mu Beleme, anga uiza ku menekena o jingunza jala kumuna, uixi: Ngana a mi kuatekese. Ene ue a mu kumbulula, exi: Eie ue Ngana a ku bhane dibesá.