Dimatekenu 28:21 - O Mikanda Ikola

²¹ Eme hinu ni ngi bhongoloka dingi ku bhata dia tatʼetu ni kutululuka; Jihova-phe u kala Nzambi iami.

Dimatekenu 28:21 ပူးပေါင်းရင်းမြစ်များ

II Samuuele 15:8

Kuma, eme ngi mubhikʼé, nga bhele kizuelu, kioso ki ngala hanji mu Ngesule ku Sídia, ngixi: Se Jihova u ngi bheka dingi muene mu Jeluzaleme, eme-phe ngi bheza jinga Jihova.

II Samuuele 19:24

Mefi-bozete ue, monʼa Saúlo, u kulumuka mu batuila Davidi. Muenephe ka di seke inama, ka di bhutu muezu, ka sukula izuatu, tunde kizuua kia katuka muenexi, katé kia bhongoloka ku bhata ni paze.

II Samuuele 19:30

Mefibozete anga u ambela muenexi, uixi: Muene a tambule ioso, kabasa eie kùku, ngana iami, ua bhongoloka dingi ku bhata ni paze.

II Jisobha 5:17

Naamane he u zuela, uixi: Kuabhu phe! Kikale kala ki ua ki mesena eie. Sumbala kiene, maji-phe o mubhikʼé muenʼiú a mu bhane kiá ngoho dibhûbhu dia mavu a tena kimbamba kia mula jiiadi; mukonda o mubhikʼé iú ki mungu dingi a bhakuila sata ia kubhakula ni túbhia mba sata ioso-ioso ku jinzambi jengi, ki kale ngó kua Jihova.

I Malunda 4:10

Mbata Jabeze uadionda Nzambi ia Izalaiele, kuila: Se u ngi zediuisa kiavulu kinéne, o jimbambe jami ni u ji kudisa dingi muene, o lukuaku lué hé lu ngʼendesa, hé ubhangesa kuila o dibhebhu ki di ngi tule anga u ngi konda o malamba! Nzambi anga u mu bhanga kioso kia mu bhingi.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Matendelelu 26:17

Lelu-ze ua di tange kua Jihova kuamba muene ukala Nzambi ié, eie uambe uixi, ua-nda kuendela jinga mu ikoka iê-muène, kuma ua-nda kualuka jinga o jingonge jê ni ijiia iê ni mabatuilu mê, ua-nda ku bhana jinga ue mátui kia ku zuelesa.

Afundixi 11:31

hinu-phe kioso ki tunda mʼonzo iami, mu ku ngi kauidila, kizuua ki ngi bhongoloka ku paze nga tundu ku anʼa Amone, ki kala kia Jihova, ngi mu satela-kiu, ki kale sata ia kuoha mu túbhia.