Dimatekenu 28:18 - O Mikanda Ikola

¹⁸ Jakobo anga u balumuka mu kimenemene, u kuata ditadi diene dia bhetuilile, u dʼimika kala philadi, u lundulula maji ku thandu diê.

Dimatekenu 28:18 ပူးပေါင်းရင်းမြစ်များ

Dimatekenu 21:14

Kúkia ni kimene Mbalahamu u balumuka, u zangula mbolo ni mudingi ua menha, u i bana Hangale, u mu tuika-iu bhu isuxi, anga u mu bhana ni mona hé ua kaia; muhatu anga u katuka, u kuata kunhungana mu kikangalakata kia Bele-sebha.

Dimatekenu 22:3

Kúkia ni kimene, Mbalahamu anga u balumuka, u zuika o bulu iê, uambata selevende jiiadi, ni monʼê Izake; u ẋanga ue jihuinhi ja sata ia kuoha, anga u katuka, uia ku kididi kia mu idikiza Nzambi.

Dimatekenu 28:11

Mu kuenda anga u tula kididi, u zekela bhobho, mukonda kumbi dia mu fuila; ku matadi ala-bhu anga u katula-bhu dimoxi, u di ta dia kubhetuila, u zeka bhu kididi kienhoko uia ku kilu.

Dimatekenu 31:13

Eme ngi Nzambi ia Betele, bhu ua tele maji ku philadi, bhu ua di hambelela kokuʼami; kiki-phe balumuka, mʼoxi mumu u tunde-mu, u vutuke kʼoxi kua ku vualela.

Dimatekenu 31:45

Jakobo anga u kuata ditadi, hé u dʼimika mù kala philadi.

Dimatekenu 35:14

Jakobo anga u imika philadi bheniobho, bhua zuelela ni Nzambi, philadi ia ditadi; hé u lunduluila-ku kiamenga, anga u texila-ku ni maji.

Dimatekenu 35:20

Jakobo anga u imika dingi philadi ku thandu dia mbila iê; iene o philadi ia Mbila ia Lakele katé mu kizuua kia lelu.

II Samuuele 18:18

Abisalone-phe kia kexile ku muenhu ua di tungisila philadi mu kibota kia sobha, kuma uambe, uixi: Ki ngala ni mona ua diiala u ngi jîngisa dijina diami. Philadi anga u i luka dijina diê muene; ene ku ixana exi músonga ua Abisalone, katé mu kizuua kia lelu.

Jisálamu 119:60

Nga bhange lusolo, ngixi nguami kulaleka, ngi kale mu tumaka o itumu ié.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izaía 19:19

O mu thembuʼomo, Jihova u kala ni kalatódio kê mu kaẋi ka oxi ia Ijitu; anga Jihova a muʼimikina kimaku ki nangenena mu mbambe iê.

Dialuilu 7:1

Mu kukala-phe kizuua kia zubha Mozé kuimika o balaka, ua i undu, iú ua i kôlesa, ni imbamba iê ioso, ni kalatódio ni itutu iê; iene ioso ua i undu ni maji, ua i kôlesa;

Josuué 4:9

Josuué anga u lunjika ue kuinhi dia matadi ni kiiadi mu kaẋi ka Njolodá, bhuoso bhuemana inama ia jinganga ambata o álaka; matadi iá-ué bhenhobho katé mu kizuua kia lelu.

I Samuuele 7:12

Samuuele anga u katula ditadi u dʼimika bhu kaẋi ka Mixipa ni Sene, anga u di luka dijina dia Ebenezele, kífua uixi: Katé bhu tuezʼabha, Jihova muene ua tu kuatekesa.