Dimatekenu 28:12 - O Mikanda Ikola

¹² Ku kilu anga u anjiua nzoji, u mona xikata aʼimika bhoxi ku mavu, maji o sungu iê ia tuta ku diulu; o ji-anjo ja Nzambi ji banda ji kulumuka ku xikata kuenhuku,

Dimatekenu 28:12 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 15:12

O dikumbi-phe kioso ki dia zubha o kutula, Mbalamu kua mu iza kilu kiavulu; kua muiza ue kekenha ia dikota, ni kitombe kiavulu ku thandu diê.

Dimatekenu 20:3

Nzambi phe uiza kua Abimileke ku nzoji mu usuku, u mu ambela, uixi: Ki ualʼokio u mufi, mukonda muhatu ua mu bhake monzo ié mukaji a muthu, uala ni muadi uê.

Dimatekenu 41:1

Anga ki bhita kuila, ki bhua zubha kubhita mivu iiadi ia muvimba, Falaó uanjiua nzoji: U mona kuma uemana bhu mbandu ia honga ia Nilo.

I Jisobha 19:5

Anga u zeka, anga uia ku kilu bhoxi dia muzimbru bhua zeka, bhenhobho anju i mu zambesa, anga i mu ambela iexi: Fundumuka, u die.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Daniiele 7:1

Mu muvu ua dianga ua utuminu ua Belxazale, sobha ia Babilónia, Daniiele ua diuanene isuma ku nzoji, kia zeka kiki bhu hama iê, anga u soneka nzoji ienhi ii; muʼanzanza muénhomo, u tanga ima ioso ia mono.

Dialuilu 12:6

Uixi: Ivenu maka mami; hé mudienu mu kala polofeta, eme Jihova ngi dʼidikiza kua muene mu kisukila, ngi mu zuelesela ku nzoji.

Matesu 1:20

Kia kexile hanji mu kubanza imʼiíi-phe, mukunji ua Ngana ua mu tukulukila ku nzoji, uixi: Zuze, monʼa Davidi, kukale ni uôma ua kutambula mukajiʼê Madiia. Mbata o mona a mu imita moxi diê, mona ua Nzumbi Ikôla.

Matesu 2:19

Kuila Helode uafu-phe kiá, mukunji ua Ngana u tukulukila kua Zuze ku nzoji mu Ejitu, uixi:

Nzuá 1:51

Uixi: Eme ngi mi ambela kuila, hinu mu mona diulu dia jikuka, ni ji-anju ja Nzambi ji banda ji kulumuka ku thanduʼ a Monʼ a Muthu.

Jihebeleu 1:1

Nzambi, ua vudile jithembu ni jimoda ja kuzuelela o jitata jetu mʼ ukulu ku jipolofeta.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.