Dimatekenu 27:43 - O Mikanda Ikola

⁴³ Kiki-phe, monʼami, ngʼivue dízui diami: Bhabha tunda-bhu, u lengele kua phange iami Labano, ku Halane;

Dimatekenu 27:43 ပူးပေါင်းရင်းမြစ်များ

Dimatekenu 11:31

Tela anga u kuata monʼê Mbalamu; ni Lote monʼa Halane mulaúlʼê; ni Salai mukaji a monʼê Mbalamu; anga a katukila kumoxi mu Ule ia Jikaldeu, mu kuia kʼoxi ia Kanana; anga eza mu Halane, a tunga momo.

Dimatekenu 24:29

Bebeka anga u kala ni phange iê ia diiala, dijina diê Labanu; Labano anga uia ni lusolo, bha xala o diiala, bhu ndunga ia menha.

Dimatekenu 25:20

Izake anga u kala ni makuinhi auana a muvu kia sakana ni Bebeka, monʼa Betuuele, mukua Sídia, mu Panda-alame, phange ia Labanu mukua Sídia, phala a kale mukajiʼê.

Dimatekenu 27:13

Kuala manhʼâ: Monʼami! Mázui mé ma kale ku thandu diami, eie tumaka ngó o dízui diami, ndeie u ngi bhekele-ju.

Dimatekenu 27:42

Kia tange-phe Izaú, o monʼê ua kota, a ki kundila Bebeka; muene anga u tuma kuixana Jakobo, o monʼê ua ndenge, u mu ambela, uixi: O phangʼié Izaú uala ku ku kanena, ua mesena ku ku jibha, kiene kia di xibhilʼê.

Dimatekenu 27:8

Kiki-phe, monʼami tumaka dízui diami kioso ki ngi ku tuma.

Dimatekenu 28:10

Jakobo anga u katuka bhu Bele-seba mu kuia bhu Halane.

Dimatekenu 28:5

Izake anga u sulula Jakobo; muene anga uia katé ku Padalane kua Labanu, monʼa Betuuele mukua Sídia, phange ia Bebeka uavu anʼâ kiiadi Izaú ni Jakobo.

Dimatekenu 28:7

Jakobo iú ua tumaka tatʼâ ni mamʼâ, iú ua katuka iú uai muene ku Padalane.

Dimatekenu 35:1

Kienhókio Nzambi u ambela Jakobo, uixi: Balumuka, u bande bhu Betele, u tunge bhobho; ua kà iudike kalatódio kuenhoko ka Nzambi ua ku tukulukila kizuua ki ua lenga o pholo ia kota dié Izaú.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Jelemiia 35:14

Maka ma Jonadabe, monʼa Lekabe, a tendelela ku anʼê kuila ka nue vinhu, a a bhake, mbata kanu muene katé mu kizuuʼiki, kia a kala kota evu muene o kijila kia tatʼâ; eme-phe ngène mu mi zuelela enu, ngi di meneka mu ku mi zuelela, enu nguenu ku ngʼivua.

Jipoxolo 5:29

Phetele-phe ni Jipoxolo a vutula exi: Tua bhingi tu tumaka Nzambi, kana athu.