Dimatekenu 27:41 - O Mikanda Ikola

⁴¹ Izaú anga u zemba Jakobo, mukonda dia dibesá diodio dia mu zediuisa na-diu tatʼâ; Izaú anga u amba ku muxima uê, uixi: Izuua ia thambi ia phaietu ia zukama; phange iami Jakobo, kiene kiua ki ngi mu jibha.

Dimatekenu 27:41 ပူးပေါင်းရင်းမြစ်များ

Dimatekenu 27:42

Kia tange-phe Izaú, o monʼê ua kota, a ki kundila Bebeka; muene anga u tuma kuixana Jakobo, o monʼê ua ndenge, u mu ambela, uixi: O phangʼié Izaú uala ku ku kanena, ua mesena ku ku jibha, kiene kia di xibhilʼê.

Dimatekenu 32:11

Ngi kudile, nga ku diondo, bhu lukuaku lua kota diami, o lukuaku lua Izaú; kuma nga mu kala ni uoma mba uiza u ngi kuama, ni mama ni ana kumoxi.

Dimatekenu 32:3

Jakobo anga u tuma jiphunga mu ku mu tuamenena kua Izaú phangʼiê, kʼoxi ia Seíle, o ixi ia Idomo.

Dimatekenu 32:6

Jiphunga mu kuvutuka a sanga Jakobo, exi: Tua bhiẋila kua kota dié Izaú, muene-phe iú uiza ku ku batuila, ni hama jiuana ja makuenze jala kuiza na-ju.

Dimatekenu 35:29

Izake anga u batuka muenhu, u fua, a mu bhongolola kuʼaia malembʼê, ua kuka ua kukidila, izuua ia mu kumu. O Izaú ni Jakobo, anʼê a mala, ene a mu fundu.

Dimatekenu 37:18

Ene-phe anga a mu muena dikanga, kuala kuijiia, kioso kiluua a bhiẋila bhuala ene, a mu ta kikutu kia ku mu kanena kiá, phala ku mu jibha.

Dimatekenu 37:4

O jiphange jê ki a mono kuma tatʼâ ua beta ku mu zola muene, o jiphange jê joso ndenge, a mu zemba, o mu kuzuela aia ni ku mu handulukila, ka tena ngó ku mu kunda ni paze.

Dimatekenu 37:8

Kuala jiphange jê, exi: Uixi kiebhi? Mbé kifua eie kiá u sobha ua-nda kuia ni ku tu tumina? Kidi kiene, kifua eie u tu tambula ungana nʼu kala mu ku tu tumina etu? Anga a mu zemba dingi kiavulu mukonda dia jinzoji jê, ni kuzuela kuê.

Dimatekenu 50:15

Jiphange ja Zuze-phe, kia zubha kumona kuma tatʼâ uafu kiá, a di ambela mudiâ, exi: Imoxi Zuze ua tu bhakela luma ku muxima, ua-nda ku tu tata kiâ phonzo ia phulu ioso i tua mu bhangele.

Dimatekenu 50:2

Zuze anga u tuma o imbanda iê, iene ku mu bhikila, phala mukutu ua tatʼâ a u teke mu bálsamu; imbanda anga a iudika kiki mukutu ua Izalaiele.

II Malunda 35:24

O abhikʼê anga a mu katula mu dikalu hé a mu ambata a mu ta mu dikalu dia kaiadi dia kexile nadiu, eza-nê mu Jeluzaleme; muene anga u fua, hé a mu funda mu jimbila ja jitata jê. O Juda ioso kiá ni Jeluzaleme anga a zuata ndombe mu kudila Joziia.

Jisálamu 142:3

Kioso o muẋima uami moxi ki ua ngi kala ni kubhondalala, eie-phe uejiia kiá njila ioso i nga tokala kuila, kuma mu njila i nga kuata, a ngi tela-mu mubhetu.

Jisálamu 35:14

Ngʼila muene kala phange iami, mba kamba diami dia muẋima; ngi bhetamena bhoxi, ngʼenda muene ni kudila, kala muthu ua fundu mamʼâ.

Jisálamu 37:16

Kota kiatolo kiala na-kiu o muthu uaiuka; ku indi jimbongo javulu ja akua phulu a ndumba.

Jisabhu 1:16

mbata o inama iâ i di sungila mu kubhanga phulu, o kieza mu kuzunza o manhinga a sakalala.

Jisabhu 18:19

O kubhomba phange ua luuala ku beta kubhonza, ku tambula o mbonge ia imbaka ndenge; o jinzaia ja kuzoka-zoka ja soka ni jisabhi ja felu ku dizemba.

Jisabhu 6:14

Mu muẋima mua mu tungu usuéia, mu ithangana ioso ufunha jindunge jaiibha, uenda ni kukuna jimvunda mu jinvunda.

Ndongixi 7:9

Kana kulenguluka ku kala ni njinda mu muenhu ué, kuma o njinda ia tunga bhu homba ia maióua.

Izekiiele 35:5

Kuma eie o unguma ué ki uene mbambe, o anʼa Izalaiele ua ehelela ku njinda ia xibhata mu thembu ia kituxi kia dikota,

Matendelelu 34:8

Anʼa Izalaiele anga a dila Mozé, mu makuinhi atatu a izuua, mu mikáu ia Mouabhe, katé kia tena izuua ia thambi ia Mozé.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.