Dimatekenu 27:28 - O Mikanda Ikola

²⁸ Nzambi a ku bhane dimume dia diulu, Ni mavu a bhana idima mu ngongo, Ni masa ni vinhu ia nzungule;

Dimatekenu 27:28 ပူးပေါင်းရင်းမြစ်များ

Dimatekenu 27:37

Izake-phe u vutuila Izaú, uixi: Abha nga mu bhange kiá kukala ngana ié, o jiphange jê joso nga mu bhana-ju ku kaia selevende jê, nga mu bhakuila ni masa ni vinhu; eie-phe ki ualʼokio ngi ku bhanga dingi kiebhi, monʼami tata?

Dimatekenu 27:39

Izake, tatʼâ u mu vutuila, uixi: Eie-ze, mu kutunga, o mavu ambote ua-nda ku a xia dikanga, o dimume di tuluka ku diulu ki di ku tula ku thala ku u kala;

Dimatekenu 45:18

mu katule tatʼenu, muize-nê ni mabhata menu, muize kunu ko kuami: eme ngi mi bhana ixi ioso iauabha mʼoxi ia Ijitu, mu dia ima iambote mʼoxi ietu.

Dimatekenu 49:20

Asele, ua ka kala ni kúdia kua di xala makudia ma vondadi ma uabhela jingana.

Dimatekenu 49:25

Xi, o Nzambi ia tatʼenu, muene u ku kuatekesa, Muteni-a-Ioso a ku bhane dibesá; a ku bhane mabesá ma diulu ku thandu, a ku bhane mabesá ma menha koxi a mavu, a ku bhane mabesá ma tatʼenu.

II Samuuele 1:21

Enu milundu ia Jiliboua! ki ku laukile dimume ku thandu dienu, ku thandu dienu ki kuaʼà noke mvula, ki ku kale mábhia ma bhana maujitu kua Jihova! Kuma ngubu ia dizonda kuenhoko kua i texi ufusa, o ngubu ia Saúlo, kala ua kambele ku mu unda ni maji!

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 5:11

Solomá hé u bhana ue kua Hilamu makuinhi aiadi a midi ia itutu ia jikolo iezala ni tiliku, phala o huta ia kudikila o dibhata diê, ni makuinhi aiadi a itutu ia jikolo iezala ni maji òbete kiambote. Ima ienhiʼii iene ia bhana jinga Solomá kua Hilamu, muvu ni muvu.

II Malunda 2:10

Tala-phe, o ngunza jé akua kukoka, a koka o miẋi, nga-nda ku a bhana makuinhi aiadi a midi ia isudi ia tidiku iòsuange, ni makuinhi aiadi a midi ia isudi ia sevada, ni makuinhi aiadi a midi ia itabhu ia vinhu ni makuinhi aiadi a midi ia itabhu ia maji.

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Jisálamu 133:3

Mukuâ ni dimume dia mulundu ua Helemone di kulumuka ku milundu ia Ziione; kuma mu uphange kala kiki, Jihova ua bhake-mu dibesá, maji dibesá dia muenhu ki uà bhua dingi!

Jisálamu 36:8

Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

Jisabhu 19:12

Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

Jisabhu 3:20

O mu kuijiia kuê muene mua jikukila o majiia ni makôlo; anga o matuta ma suka mbundu.

Izaía 45:8

Mvula inoke, mbundu i sume, o kidi kize ni kusuka kala mbundu; oxi i jikuke, ubhulukilu uende ni kusabhuka kiá, kuiuka kuende ni kuima bhuamoxi ni ubhulukilu; eme ngi Jihova, nga a bhange.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jouele 2:19

Jihova ua kà tangela mundu uê, ua kà kumbulula, uixi: Talesa-ze, ngi mi tumikisa tiliku, ni vinhu ia ubhe ni maji, ima iosuʼiii ia kà mi kuma; ki ngà mi bhana dingi ku lusebhu mu kaxi ka akua jixi.

Mikeia 5:7

O mbandu ia subhuka-bhu ia Jakobo anga ia kà di funga mu akua miji iandumba, a kà di bhanga kala o dimume dia tundu kua Jihova, a kʼèla kala mvula ia kizeke ki i sukila ku thandu dia sabhelela, ia bhingi ki i kinga kima ku muthu, mba idielela kima kioso-kioso ku anʼathu mu kunoka kuê.

Zakadiia 8:12

Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.

Zakadiia 9:17

Mukonda muene o jihenda jê jivula! O kuiuka kuê kuahi ngó! Minzangala ia mala ia ka tambula nguzu mukonda dia tiluku, o anʼa ilumba mukonda dia vinhu ia uisu.

Dialuilu 13:20

Ni mavu se a nete mba a bhele, se muala tuixi mba kana. Mu kala muene ni uiala, ku ibundu ia ixi mu tu bhekela-ku. Izuua ienhoio-phe, izuua ia kumateka jiúva kúbhia.

Dialuilu 18:12

Ku maji oso ambote, ni ku mákunua oso ambote, ni ku jimbundu joso jambote, ni ku ibundu ia ioso ia mutômo, ia bhakula kua Jihova, nga ku bhana-iu; eie.

Loma 11:17

O kiki o jithangu jamukuâ ja mudiva ua kudima, a ji bukuile-ku, eie u luthangu lua mudiva ua muxitu iá a ku phaphe ku kixina muʼ axaxe ka jithangu. Kiene ue enu ki mu Jijudé, mua di bhange kala o mudiva uenʼ ió ku muxitu, kindala mua tambula ku nguzu ni ku umvuama ua muenhu ua Jijudé.

Matendelelu 32:2

Ulongelu uami-ème mvula inoka, mbundu isuma, mbambe ni masumi-sumi ma mvula ku thandu a mafe, kifua dimume di tula ku iẋoka.

Matendelelu 33:13

O kua Zuze, uixi: O mabesá ma Jihova, a kà kala mʼoxi ié, o mabesá ma diulu a ku bhane idima ia matunda, ni dimume ni menha a tunda koxi a mavu.

Matendelelu 33:28

Kala kiki Izalaiele ua kà tunga ua kà soma, ubheka uê, mu ixi ia dijiia dia Jakobo. Mʼoxi ia masa ni maluvu; o maúlu mê ma suka jinga mbundu.

Matendelelu 7:13

Muene ua-nda ku ku zola, ua-nda ku ku zediuisa, anga u ku sokolola, katé ni mbutu i tunda mu divumu dié u i bhana ue kuzediua, katé ni mbutu mʼóbhia dié u i ta ue dibesá; ni masa mé ni muvide ni máji mé ni ibhaku ié ia jingombe, ni ilunga ié ia hombo ni mbudi i u kala na-iu mʼoxi ia lokela Jihova kubhana ku jitata jenu.

Jihebeleu 11:20

Kiejila mu kuxikana, Izake kia bhana Jakobo ni Ezaú o mabesá ma keza-ku, anga u tanga o ima kiluua ngó iza-ku.

Josuué 5:6

Kuma anʼa Izalaiele a nhungine makuinhi auana a mivu mu kikangalakata, katé kifuẋi kioso kia makuenze a ita a tundile mu Ijitu a buila, mukonda dia kukamba kuívua dízui dia Jihova; Jihova anga u a lokela kuma ka ehela dingi kumona ixi ioio ioso ia lokela jinga jitata jâ ku tu bhana-iu; ixi i kunguluka lete ni uiki.