Dimatekenu 27:12 - O Mikanda Ikola

¹² Imoxi phaietu u ngi babata, u ngi mona ngi mukua makutu; mu kubhanga kiki nga-nda ku dibhekela mázui ku thandu diami, kana dibesá.

Dimatekenu 27:12 ပူးပေါင်းရင်းမြစ်များ

Dimatekenu 25:27

Minzangala anga i kula; Izaú anga u kala dinhanga dia dikota, mukua kunhunga mu iangu; Jakobo-phe muthu ua di xibhʼê, uia ni kuxalʼê ku bhata.

Dimatekenu 27:36

Izaú anga u zuela, uixi: Manhi dijina dia Jakobo ki dia mu fuama muene? Ua ngi tobhesa luiadi luosʼulu! Ua dianga ku ngi tambula o ukota uami; o kiki ua ngi tambula dingi o dibesá diami. Uixi-phe: Kifua ki kua xala dingi dibesá dia ku ngi bhana eme?

Dimatekenu 27:45

hinu se kala dingi ku ku kanena, njinda ia mu bhu, o ki ua mu bhange kia mu jimbi kiá, ngi tuma ku kuixana, uize dingi kunu; kuma phala-hi ki bhita kuila anʼami kiiadi ene oso a ngi fua mu kumbi dimoxi?

Dimatekenu 9:25

Anga u zuela, uixi: Kanana a mu bhubhidile; A kale mubhika u bhikila abhika, Jiphange jê ji mu tumina jinga.

Jobe 12:16

O nguzu ni kuijiia iala ni muene; ene oso a mu tokala muene, ku tale uoso u tondala uixi ió uoso u tondalesa.

Jelemiia 48:10

Lamba dia ió uoso u bhanga o kikalakalu dia Jihova ni mangonha; lamba dia ió ue uoso u bhaka o xibhata iê ku manhinga.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

II Kolindo 6:8

Tu tambula ujitu, ni ku tu kambesa ujitu, mu ku tu lebhula, ni ku tu ximana. A tu bhanga kala tu akua makutu manhi tu akua kuzuela kidi;

Matendelelu 27:18

Lamba dia ió uoso u tondalesa kifofo, na ki luezesa o njila. Mundu uoso a kèla: Amén!

I Tesalonika 5:22

mu lenge jinge ioso i mua mono iaiibha.