Dimatekenu 26:7 - O Mikanda Ikola

⁷ O akuaʼxi mueniʼomo anga a mu ibhula ku mbandu ia mukajiʼê; uixi-phe: Phangiʼami ia muhatu; kuma uoma ua mu kuata ua kuila mukajiʼami; uixi: Imoxi akuaʼxi a ngi jibha mu luimbi lua Bebeka mukonda ua uabha kinene ku mu tala mesu.

Dimatekenu 26:7 ပူးပေါင်းရင်းမြစ်များ

Dimatekenu 12:11

Mu kuenda-phe, ala mu zukama kiá ku Ijitu, u ambela Salai mukajiʼê, uixi: Eie-ze u muhatu ua uabha kiavulu ku mesu a athu.

Dimatekenu 12:13

Nga ku diondo-phe, ua kèla kuma u phange iami ia muhatu; phala a ngi bhange o mbote mukonda diʼeie, mu henda ié-eie eme ngi xale ni muenhu.

Dimatekenu 12:15

Jitata ja Falaó, kia zubha ku mu mona, a mu hanza bhu pholo ia Falaó; muhatu anga a mu ambata, a mu bheka ku mbanza kua Falaó.

Dimatekenu 20:11

Mbalahamu uixi: Mukonda nga fika ngixi bhu kididi kiki o uoma ua Nzambi kala na-u; ngixi-phe a-nda ku ngi jibha mukonda dia mukajiʼami.

Dimatekenu 20:2

O Mbalahamu anga u tanga Sala muhatuʼê, uixi: Phange iami ia muhatu. Abimileke sobha ia Jelale anga u tuma kutakana Sala.

Dimatekenu 20:5

Ki muene ua ngʼambela, uixi: Phange iami ia muhatu? O muene muhatu ua kiambe ue kuma phange iami ia diiala? Kiki eme nga ki bhange ni muxima ua uabha ni maku a ngi zele.

Dimatekenu 24:16

Kilumba kiki anga u uabha kiavulu ku mu tala, muzeletete hanji, kana diiala ua mu ijiia luua; anga u tuluka mu fiẋi ia menha, u izalesa o disanga diê, anga u banda.

Dimatekenu 26:6

Kienhiki, Izake anga u tunga bhu Jelale.

Dimatekenu 26:8

Kia zubha-phe kubhanga-bhu thembu iavulu, bhu kala kizuua Abimeleke, muenexi ua akua-Fidíxa, u kala mu talela bhu njanena, anga u mona Izake uala mu tonoka ni Bebeka mukajiʼê.

Dimatekenu 29:17

Liia o mesu a mu fefetela; o Lakele-phe ua uabha o pholo ni mukutu ua tula kiambote o jithalu.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Efezo 5:25

Enu ue mu mala, Zolenu ahatu enu kala Kristu kia zola o Ngeleja, iú ua di bhakula bhu kididi kiê.

Kolose 3:9

Kana ku di tela makutu mudienu, kuma o muthu Uokulu mua mu zula kiá ni ifua iê,