Dimatekenu 26:4 - O Mikanda Ikola

⁴ ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 26:4 ပူးပေါင်းရင်းမြစ်များ

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 15:5

Anga u mu bheka bhu kanga, uixi: Tala-phe hanji ku diulu, u tange o jithéthembua, se u tena ku ji kuata konda; anga u mu ambela, uixi: Kiene kia kà kala o mbutu ié.

Dimatekenu 18:18

Muene kuma hinu u di bhanga kifuẋi kia dikota kia nguzu, ifuẋi ioso mu ngongo ia kà zediuila kua muene?

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 28:14

mbutu ié i sokoloka kala fufuta ia bhoxi, ia kà di zala ni ku luiji hi ku thunda, ni ku suku ni ku sulu; ko kué ni ku mbutu ié kuene kua kà bhandulukila miiji ioso mu ngongo.

Dimatekenu 28:3

Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

Dimatekenu 35:12

O ixi i nga bhana jinga kua Mbalahamu ni kua Izake, eie muene ue nga-nda ku ku bhana-iu, ni mbutu ié ia kà ku bhingana, nga kà a bhana o ixi ienhiʼii.

Dimatekenu 47:27

Kienhiki Izalaiele anga u tunga mʼoxi ia Ijito, mʼoxi ia Ngozene; anga a kala-mu ni mbandu iâ, a kala mu ku di vualulula, hé a sokoloka kiavulu.

I Malunda 27:23

O ió ka tenesene luua makuinhi aiadi a muvu, katé ku ana-ndenge bhoxi, sobha Davidi ka a tele mu konda, mbata Jihova ua tanga kuila o anʼ a Izalaiele uanda ku a sokolola kala jithéthembua ku diulu.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Makatukilu 6:4

Nga kuatesa kikutu kiami ni ene, mu ku a bhana ixi ia Kanana, ixi ia unhunginu uâ mua kexi kunhungina.

Jipoxolo 3:25

O jipolomesa joso ja bhele Nzambi mu kanu dia jipolofeta jê ia mi tokala enu. O mu kikutu kia ta Nzambi ni jitata jenu mu xahulu, enu muene mu muala, kioso ki ambelele Mbalahamu, uixi: Ku mbutu ié, kuene kua kà zediuila o miji ioso mu ngongo.

Ngalásia 3:16

O jipolomesa-phe ja bhana Nzambi kua Mbalahamu ua mu tangela-ju, ni ió u tunda ku mbutu iê. Kambe uixi: Ni iá a tunda ku Jimbutu, kala avulu; maji uambe kala muthu umoxi muene, uixi: Ni ió u tunda ku mbutu iê, muene-phe Kristu.

Ngalásia 3:8

O Mikanda Ikôla ue mu kuzambula kuila Nzambi ua kà lungisa matumbu mu kuxikana, kiene ki ia longela jinga o Njimbu Iambote mʼukulu kua Mbalahamu, iexi: Madiembu moso ma kà zediuila kokuê.

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

Matendelelu 9:5

Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.

Jihebeleu 11:2

Mu kuxikana muene o ikulakaji mʼ ukulu mua tambuila o umbangi uambote kua Nzambi.