Dimatekenu 26:34 - O Mikanda Ikola

³⁴ Izaú kia zubha kubhanga makuinhi auana a mivu u sakana muhatu Judite, monʼa Bedi, mukua Hete, ni muhatu uamukuâ Basamate, monʼa Elone mukua Hete.

Dimatekenu 26:34 ပူးပေါင်းရင်းမြစ်များ

Dimatekenu 24:3

Eme ngi ku lokese mu dijina dia Jihova, Nzambi ia diulu ni ixi, kuma monʼami ku mu sotele muhatu mu ilumba iʼakuaxi ia Kaná mu nga tungu-mu;

Dimatekenu 27:46

Bebeka anga u ambela Izake, uixi: Muenhu ua ngi kumu, mukonda dia ahatu enhá, anʼa Hete; Jakobo ue se u sakana muhatu ku a nʼa Hete, kala enhá, akuaʼxi mumu, nginda ngi dia hûnji, ni ngi fu; kuma o muenhu u kala kiki ngi u bhangaʼhi?

Dimatekenu 28:8

Izaú-ue kia mu tetulukila kuma ahetu a Kanana tatʼâ Izake ka mu uabhela;

Dimatekenu 28:9

anga Izaú uia kua Ijimaiele; ku hongo iala na-iu kiá ia ahatu aiadi, u banda-ku dingi Mahalata monʼa Ijimaiele, monʼa Mbalahamu, phangeʼa Nebaiote.

Dimatekenu 36:13

Leuele anga u kala ni anʼê iá: Nahate, ni Zela, ni Xama, ni Miza; iá ene anʼa Basemate muhatu a Izaú.

Dimatekenu 36:2

Izaú anga u sakana ahatu ku akuaʼxi ia Kanana: Ada monʼa a Elone, mukua Hiti, ni Oholibama monʼa Ana, monʼa Zibiione, mukua Hivi,

Dimatekenu 36:5

Oholibama u mu vualela Jeuji, ni Jalamu, ni Kola; iá ene anʼa Izaú a mu vualela-nâ mʼoxi ia Kanana.

Makatukilu 34:16

Anga muʼijila kiá o kubhenga anʼâ a ahatu phala anʼenu a mala, o anʼâ a ahatu ki aia ni kubhanga undumbu bhu pholo ia jinzambi jâ, ni anʼenu a mala a a sendula ue mu undûmbu ua jinzambi jâ.

I Kolindo 7:2

Mukonda-phe dia kuila sai-ku undumbu uavulu, inda kala diiala di kala ni muhatuʼê, kala muhatu u kala ni muadi uê.

Jihebeleu 12:16

Di langienu ue phala ki bhu kale muthu u kala ndumbu, mba kifusa kala Ezaú ua sumbisile o ukota ue mu dilonga dimoxi dia kudia.

I Samuuele 26:6

Bhenhobho Davidi anga u ambela Ahimeleke mukua Hiti, ni Abisai monʼa Zeluia, phange ia Jouabhe, uixi: Nanhi u ngi bheka, ni tu kulumuka bhu kibangu bhobho bhua Saúlo? Abisai uixi: Eme ngi ku bheka.