Dimatekenu 26:24 - O Mikanda Ikola

²⁴ Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 26:24 ပူးပေါင်းရင်းမြစ်များ

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Dimatekenu 21:17

Nzambi anga uívua dízui dia kamona; anjo ia Nzambi anga u handekela Hangale; dízui dia tundu muene mu diulu, uixi: Ihi i uala na-iu, Hangale? Kana kukala ni hele ia kima; kuma Nzambi uevu dízui dia mona tundé bhuoso bhu ua mu bhake.

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 22:19

Kienhokio Mbalahamu u vutuka bhua xile jiselevende jê, anga a balumuka, ela kumoxi katé bhu Bele-seba; Mbalahamu anga u tunga bheniʼobho bhu Bele-seba.

Dimatekenu 24:12

Anga u zuela, uixi: Eie u Jihova, u Nzambi ia muadiʼami Mbalahamu, nga diondo, ngi bhane kitakanesu kiambote mu kizuua kia lelu, o muadiami Mbalahamu u mu bhange o mbote.

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

Dimatekenu 28:3

Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

Dimatekenu 30:27

Labano-phe, uixi: Se nga sange ngalasa ku mesuʼé, tu kadietu hanji; mukonda nga mono kuila Jihova ua ngi bhana kuzediua mukonda dié eie.

Dimatekenu 31:5

Muene anga u a ambela, uixi: Nga mono o pholo ia tatʼenu, ki ia ngi kala dingi ni ngalasa kala mʼokulu, maji-phe o Nzambi ia tatʼetu uala ni eme.

Dimatekenu 39:2

Jihova anga u kala ni Zuze, katé ioso ia bhanga ienda kiambote; anga u kala mʼonzo ia ngana iê mukua Ijito.

Dimatekenu 39:3

O ngana iê anga u mu mona kuma Jihova uala-nê, mukonda Jihova ua bhangesa kuila ioso i bhanga Zuze ienda kiambote.

Dimatekenu 46:1

Izalaiele anga u katuka ni ioso iala na-iu, uiza u tula bhu Beleseba, u satela-bhu Nzambi ia tatʼâ Izake;

I Jisobha 17:13

Elija-phe u mu ambela, uixi: Kana kukala ni uoma; ndé ka bhange ki ua zuela, maji u dianga-phe ku ngi bhangela-ku eme kambolo kòfele, anga u ngi bhekela-ku bhu kanga bhabha; hé u bhanga kiua o iê eie ni ia monʼé.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Kuditenda 3:57

Eie kizuua ki nga ku bhingile, bhenhobho eie ua ngi zukamene; uixi-phe: Ku kale ni uoma!

Ijila 26:42

Eme-phe ue nga kà vutula dingi o thulu, ku kikutu ki nga tele ni Jakobo, ni kiná ki nga tele ni Izake, ni ku kikutu ki nga tele ni Mbalahamu, bhenhobho nga kà lembalala ue oxi.

Ijila 26:45

Sembele ngʼa kuatela henda, anga ngi lembalala o kikutu ki nga tele ni adiʼâ, u nga tundixile kʼoxi ia Ijito, o ifuẋi ku mbandu ni mbandu ia a ki muene mesu, ngixi phala ngi kale ngi Nzambi iâ; Eme Jihova.

Matesu 22:32

Eme ngi Nzambi ia Mbalahamu, Nzambi ia Izake, Nzambi ia Jakobo? Nzambi ki Nzambi ia madifundu, maji ia athu a muenhu.

Luka 12:32

Jezú uixi dingi: Ki mu kale ni uôma, kakilunga kófele! Mukonda Tata ienu kia mu uabhela muène o ku mi bhana o Ungana.

Jipoxolo 7:32

Eme ngi Nzambi ia jitata jenu, Nzambi ia Mbalahamu, ni Izake ni Jakobo. Mozé anga u teketa ni uôma, ka bhumina dingi kutalesa-ku.

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

Matendelelu 31:6

Kalenu mu indanda, mu kole kiambote o muxima. Ki mu kale ni uoma, mba mu kala ni kekenha ki mu a mona mesu, mbata o Jihova Nzambi ié muene uala kuia-nê, o muene ka-nda ku kúxia, ka-nda ku ku ehelela.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Jihebeleu 13:6

Uila kiki, tu kolokotienu ni kuila: Ngana muène mukuatekexi uami, eme ki ngi kala ni uoma. Hé muthu u ngi bhanga-hi?

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.

Lute 3:11

Kiki-phe, monʼami, ku kale ni hele, eme ngi ku bhanga kioso ki ua tange; mukonda akua bhata dietu oso a ku ijiia kuila eie u muhatu ua ujitu.