Dimatekenu 26:12 - O Mikanda Ikola

¹² Izake anga u dima mʼoxi mueneʼomo, o mbutu ia kuu anga i bhana mu luhama ku muvu umoxi; mukonda Jihova ua mu zediuixile.

Dimatekenu 26:12 ပူးပေါင်းရင်းမြစ်များ

Dimatekenu 24:1

Mbalahamu anga u kuka, ua sungu-ku kiá ku izuua, Jihova phe ua mu bhele kubhanduluka mu ima ioso.

Dimatekenu 24:35

O Jihova-phe ngana iami ua mu zediuisa kiavulu muene, kia mu bhekela kukala ni kijingo kia dikota; ua mu bhana ni ibhanga ia jimbudi ni ia jingombe, ni phalata ni ulu, ni abhika a mala ni a ahatu, ni jikamelu.

Dimatekenu 25:11

O kutunda mu kúfua kua Mbalahamu, Nzambi u zediuisa Izake monʼê; Izake anga u tunga bhu kixima kia Lahai-loi.

Dimatekenu 26:29

Loka kuma eie hinu ku tu bhange kiaiibha, kala etu uetu tua kambe ku ku kuata, tua ku bhange ngó mbote, etu tua ku ehela kusuluka ni paze. Eie kiki uala u muthu a ku zediuisa kuala Jihova.

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

Dimatekenu 30:30

Kuma kioso ki ua kexile, kala kiluua ngʼiza, kiofele ngó ki ua kexile na-kiu; o kiki-phe ia sokoloka kiavulu muene. Jihova ua ku bhanduluila ku kikalakalu kiami, eme muene-phe hinu kizuua kuẋi ki ngi kalakela o dibhata diami?

Jobe 42:12

Kienhiki, Ngana ua beta kuzediuisa kikexilu kia Jobe kia sukidila, o kia dianga ndenge; mukonda ua kexile ni kuinhi dia midi ni kiuana ia jimbudi, ni midi jisamanu ja jikamelu, ni midi ia makaza a jingombe, ni midi ia jibulu ja akaji.

Jisálamu 67:6

Phala o mavu ende ni kubhana dingi o idima iê; o Nzambi, Nzambi ietu muene, a tu bhane o kuzediua.

Jisálamu 72:16

Mu ngongo mu kale nzungule ia masa katé ni ku thandu dia milundu; ixina iê i kale mu lokosa kala muxitu ua Libano; athu mu jimbonge joso a kale mu fuafua kala iangu mu mukáu.

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.

Ndongixi 11:6

Kuna mbutu ié mu kimene, o ku kiemba ue, ʼkuaku lué kí lu nhohe, mukonda eie kuijiia se mbutu iebhi ku ua-nda kuzediuila; hé iii, mba ioio, mba mbutu joso hádia ji iukila bhua moxi.

Zakadiia 8:12

Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.

Matesu 13:23

A mu kuua mu mavu ma mbote-phe, muenhú uívua o maka, anga u mejiia; ió uima kidi ibundu, bhu kala ni iú umoxi u bhana hâma, iú makuinhi a samanu, o iú makuinhi a tatu.

Matesu 13:8

Jamukuá ja sonokena mu mavu mambote, anga jʼima ibundu. Bhuala lumbundu lu bhana hama ia lumbundu, bhuala lulu lu bhana makuinhi a samanu, bhuala lu bhana makuinhi atatu.

Marku 4:8

Jamukuá ja sonokena mu mavu mambote, anga jima ibundu, ji kula, ji sokoloka, jimoxi ji bhana makuinhi atatu, jimoxi makuinhi a samanu, jimoxi háma.

I Kolindo 3:6

Eme nga kunu o mbutu, Apolo ua i tekela, maji o ua i kudisa-phe Nzambi.