Dimatekenu 26:1 - O Mikanda Ikola

¹ Mʼoxi anga muiza nzala, o nzala iejile mu izuua ia Mbalahamu iengi; mukonda dia kiki-phe, Izake uia kua Abimeleke, muenexi ua akua Fidíxa, bhu Jelale.

Dimatekenu 26:1 ပူးပေါင်းရင်းမြစ်များ

Dimatekenu 12:10

Mʼoxiʼomo anga muiza nzala, anga u kulumuka mu Ijitu phala kubhanga-mu izuua, mukonda nzala iavulu ieza mu ixi.

Dimatekenu 25:11

O kutunda mu kúfua kua Mbalahamu, Nzambi u zediuisa Izake monʼê; Izake anga u tunga bhu kixima kia Lahai-loi.

Dimatekenu 25:34

Jakobo anga u tela Izaú mbolo ni makunde; anga u dia, u nua menha, u balumuka-bhu, uia njila iê; kala kiki Izaú, ukota uê ua u kita ki kima.

Dimatekenu 42:5

Kienhókio anʼa Izalaiele anga ejiia kumoxi ni amukuâ eza mu sumba kúdia, mukonda ku Kanana ue kuala nzala.

Dimatekenu 43:1

Nzala anga i vula kinéne mu ngongo.

II Samuuele 21:1

Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

Makatukilu 33:1

Ngana ka mesena kuenda dingi ni Izalaiele Jihova anga u ambela Mozé, uixi: Katukenu! Bhabha tundenu-bhu, ni eie ni mundu u ua katula mʼoxi ia Ijitu, muie kʼoxi i nga lokela Mbalahamu, ni Izake, ni Jakobo, ngixi: Ngi i bhana mbutu ienu.

Lute 1:1

Anga ki bhita kuma, mu izuua kia kexile afundixi kufundisa mu Izalaiele, mʼoxi mu kala nzala ia dikota; Anga bhu kala muthu, mukua Beleme ia Juda, uia kunakina mʼoxi ia Mouabhe, ni muene ni mukajiʼê ni anʼê kiiadi a mala.