Dimatekenu 25:34 - O Mikanda Ikola

³⁴ Jakobo anga u tela Izaú mbolo ni makunde; anga u dia, u nua menha, u balumuka-bhu, uia njila iê; kala kiki Izaú, ukota uê ua u kita ki kima.

Dimatekenu 25:34 ပူးပေါင်းရင်းမြစ်များ

Dimatekenu 25:29

Jakobo anga u lamba makunde; Izaú anga u tunda mu iangu, uiza kubhata, ua senduka ni nzala.

Dimatekenu 25:33

Jakobo uixi: Ngi lokele-phe kizuua kia lelu; muene anga u mu lokela, u sumbisa o ukota uê kua Jakobo.

Dimatekenu 26:1

Mʼoxi anga muiza nzala, o nzala iejile mu izuua ia Mbalahamu iengi; mukonda dia kiki-phe, Izake uia kua Abimeleke, muenexi ua akua Fidíxa, bhu Jelale.

Dimatekenu 27:32

Tatʼâ Izake anga u mu ibhula: Eie nahi? Muene uixi: Eme monʼé Izaú, monʼé ua phande-kumbi.

Jisálamu 106:24

Ixi iauabha ia edikiza anga a i nongena, nguauâ kuxikana o kizuelu kiê.

Ndongixi 8:15

Anga o kusanguluka ngi ku tula ditala dia di leka, mukonda kulu-dia-mundu kana-ku kima kia beta o kuiuka phala o muthu, kala o kúdia ni kúnua ni kutumbujuka ni ngalasa; mukonda ima ienhiʼii i mu kaiela mu ikalakalu iê ioso, mu izuua ioso ia muenhu uê, ia mu bhana Nzambi bhoxiʼaʼkumbi.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Zakadiia 11:13

Bheneʼobho, Ngana ua ngʼambela, uixi: O suilu iii, ia ngi fika ene kuila iene i nga te, takuila-iu kua mumbi-a-jímbia. Anga ngi zangula makuinhi a tatu a itadi ia phalata, ngi i takuila kua mumbi-a-jímbia, monzo ia Jihova.

Matesu 22:5

Ene-phe a exanene ka ki suu; a di tela njila jâ; iú ku díbhia diê, iú ku uenji uê.

Matesu 26:15

uixi: Mu ngi bhana-hi se Jezú ngi mi thelekalanê? Ene anga a mu pezalela makuinhi atatu a itadi ia phalata, hé a mu bhana.

Jipoxolo 13:41

Talesenu, enu muene mu kutobhesa ioso, muanda kukakuka anga mu jikinina! Kuma o kikalakalu ki nga mu bhanga mu izuua ienu kikalakalu enu ki mu ki xikina, né-mbe hanji bhu kala muthu u mi ambela-kiu ue.

I Kolindo 15:32

Mukonda eme kunu ku Efezu nga bhange mvunda, mukuá ni muthu ulua ni iama ia mukau. O kiki-phe se nga ki bhange ngó mukonda dia ima ia xitu, ngiia-phe kima kiahi ki nga nganhala-ku? Se ni kidi kiene o madifundu ka fukunuka, tu bhangienu kala ki ambe o Sabhu, kuila: Tu dienu-tu, tu nuenu-tu, o mungu tu kane kufua.