Dimatekenu 25:23 - O Mikanda Ikola

²³ Jihova anga u mu vutuuila, uixi: Ifuẋi iiadi ia ku kala moxi diê, miiji iiadi ia kà di uanununa tunde mu vumu, muiji umoxi ua kà tunda mukuâ mu nguzu, o dikota dia kà bhikila o ndenge.

Dimatekenu 25:23 ပူးပေါင်းရင်းမြစ်များ

Dimatekenu 17:16

Mukonda eme nga-nda ku mu zediuisa, ngi mu bhana dibhesá; nga-nda ku ku bhela kua muene, mona u tunda momuʼé; ngi mu bhana dibesá, u kala kivuadi ki bhanga miji; jisobha muene ji tumina ifuẋi hinu ji tunda ku mukutu uê.

Dimatekenu 17:4

Talesa, ku mbandu iami eme, kikutu kiami ki nga-nda kuta ni eie, kienhiki: Ua kà kala u tata ia ndumba dia ifuẋi.

Dimatekenu 24:60

Anga a benzela Bebeka, a mu ambela, exi: Phangʼietu uà kala u mama ia jimidi ja ndumba, mbutu ié, i tambule konda ia muelu ua jinguma jâ.

Dimatekenu 25:24

Kia zubha kubhiẋila mu izuua iê ia kudisanza, manhi mu vumu diê mua kala akua-ndumba.

Dimatekenu 25:27

Minzangala anga i kula; Izaú anga u kala dinhanga dia dikota, mukua kunhunga mu iangu; Jakobo-phe muthu ua di xibhʼê, uia ni kuxalʼê ku bhata.

Dimatekenu 27:29

Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.

Dimatekenu 27:33

Izake bhenhobho anga u sasumuka, u teketa muene kiavulu, uixi: Nanhi muene-phe ua kuatele xitu ia unhanga, iú uejile na-iu bhabha, eme nga di kiá, ngekuta, eiʼeie ua mu bhingana-ke? Nga mu bhana kiá dibesá ua-nda kuzediua muene. Kuma o dibesá u kala na-diu muene.

Dimatekenu 27:37

Izake-phe u vutuila Izaú, uixi: Abha nga mu bhange kiá kukala ngana ié, o jiphange jê joso nga mu bhana-ju ku kaia selevende jê, nga mu bhakuila ni masa ni vinhu; eie-phe ki ualʼokio ngi ku bhanga dingi kiebhi, monʼami tata?

Dimatekenu 27:40

Mu kukala, u laiela ku xibhata ié, o phangʼié u mu bhikila; Hadia-phe ki u sutunuka, ophi iê u di zula-iu mu xingu.

Dimatekenu 32:6

Jiphunga mu kuvutuka a sanga Jakobo, exi: Tua bhiẋila kua kota dié Izaú, muene-phe iú uiza ku ku batuila, ni hama jiuana ja makuenze jala kuiza na-ju.

Dimatekenu 33:3

O muene anga u a bhita ku pholo ene oso, uia ni kudiunda, ua bhetama lusambuadi ku mavu katé kia zukama kua kota diê.

Dimatekenu 36:31

O iá ene o jindembu (jisobha) a hingile o ungana mʼoxi ia Idomo, kala ku Izalaiele kiluua ku kala ndembu.

Dimatekenu 48:19

Tatʼâ anga u dituna, uixi: Nga kʼijiia muene, monʼami, nga kʼijiia; muene ue uà di bhanga kifuẋi, uà kala ni kijingo; maji-phe ndengʼiê ua kà mu tunda uà kala ndumba ia ifuẋi.

II Samuuele 8:14

Anga u ta jipoxto mu Edomo, akua Edomo oso anga a kala mu bhikila Davidi.

I Jisobha 22:47

Ua balakala ue o minzangala ia mala, ioio ia di longele o udianzunga iii ia subhukile-ku mu izuua ia tatʼâ Aza.

I Malunda 18:13

Anga Davidi u-ta kibuka kia masoladi ki kala mu kulangidila mu Idomo, o akua Idomo ene oso anga a kala abhika angene a Davidi; o Jihova anga ukala mu kulanga Davidi, kuoso kuoso kuaia.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Dialuilu 20:14

Kia bhiti imʼiii, Mozé u katula jiphunga bhu Kadexi, u a tuma kua sobha ia idomo, uexi: Phangʼié Izalaiele uambe kiki: Eie uejiia o jiphaxi joso ji tua mu bhita na-ju,

Matendelelu 2:4

O mundu tumina-u, kuila: Muanda kubhita mu jimbambe ja jiphange jenu, o anʼa Izaú, a tungu mu Seíle; ene-phe a-nda ku mi kala ni uoma; maji enu-phe di langienu kiambote.

Matendelelu 2:8

Kienhokio-phe ki tua kexe kubhita mu jiphange jetu, anʼa Izaú a tungu mu mulundu ua Seíle, tua-lu kungila njila ia kiphenza kia Elate ni Enzone-ngabele, tualulukile anga tu di tela njila ia kikangalakata kia Mouabhe.

I Samuuele 17:14

Davidi kifua kasule kâ; o makota kitatu a kaiela Saúlo.