Dimatekenu 25:21 - O Mikanda Ikola

²¹ Izake anga u diondela muhatuʼê kua Jihova, mukonda kala kuvuala; Jihova anga u mu ivua kudikola kuê, Bebeka mukajiʼê anga u imita.

Dimatekenu 25:21 ပူးပေါင်းရင်းမြစ်များ

Dimatekenu 11:30

Salai, anga u kala mbaku, ka moneka mona.

Dimatekenu 16:2

Salai anga u ambela Mbalamu, uixi: Ua mono-ze, Jihova ua ngi fudisa o kuvuala; bokona-phe kua kahatu kami kaka; imoxi ngi kala ni muiji ku mukutu ua muene. Mbalamu anga u ivua dízui dia Salai.

Dimatekenu 30:22

Nzambi anga u xinganeka Lakele, Nzambi anga u mu ívua, u jikula o divumu diê.

I Malunda 5:20

Anga a a kuatekesa mu kúlua-nâ, o akua Hangale ni oso kiá a kexile-nâ, ene oso hé a a bhana bhu maku mâ, mukonda a dikolele kua Nzambi, kiala mu kúlua o ita, Nzambi hé u a bhana mátui, kuma a dielela kua muene.

II Malunda 33:13

Anga u mu sambela. O Ngana Nzambi anga o njinda iê kua Manasa i tululuka, anga uívua o kudionda kuê, anga u tona dingi o ku mu bheka mu Jeluzaleme ku ungana uê. Bheneʼobho Manasa anga uijiia kuila Jihova muene Nzambi.

Ejidala 8:23

Etu-phe, anga tu jila, hé tu bhinga kienhiki kua Nzambi ietu, muene anga henda i mu kuata mukonda dia misambu ietu.

Jisálamu 127:3

Iala-ze! O ana, uene undundu u tunda kua Jihova; o ibundu ia divumu ue, muene u ku bhana-iu, kuma jene o jihuuilu.

Jisálamu 145:19

Muene u bhanga o vondadi ia ió oso a mu kala ni uoma; uívua nzongo iâ, ia kudikola, hé u a bhulula.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 65:2

Eie u mukua kuívua o kusamba, ko kué kuene ku bhongolokela o xitu ioso.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Jisabhu 10:24

Mukua-phulu kima kioso ki mu kuata uoma, kiene ki mudia; muthu ua iuka-phe Nzambi u mu bhana kioso kiendi o muẋima uê.

Izaía 45:11

Jihova, Lemba dia Vumu, Ngûmbi ia Izalaiele, uambe kiki: Ngʼibhulienu eme o ima ia hádia; ngi tokuesienu ku mbandu ia anʼami, ni ima ia tokala ku ikalakalu ia maku mami.

Izaía 58:9

Bhenhobho o ki u dikola, Jihova ua-nda ku kuitaia; o ki u ta nzôngo, muene ua-nda kuila: Emeʼú! Kala-phe, kuxina akuenu o kimbamba, muʼaxaxi ké kibhua-mu, ni ku toka mulembu kua mukuenu, ni kuzuela kua izala;

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Luka 1:13

Mukunji anga u mu ambela, uixi: Ku kale ni uôma Zakadiia! Mukonda musambu ué Nzambi ua uivu. Muhatuʼé, Nzebele, ua-ndu ku vualela monʼa diiala, eie u mu luka dijina dia Nzuá.

Luka 1:7

Ene-phe ka moneka mona, mukonda Nzebele ua kexile mbaku; o ene kiiadi kiâ, a kuata kiá mivu iavulu.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 1:17

Bhenhobho Eli u mu kumbulula, uixi: Ndeie ni kutululuka, Nzambi ia Izalaiele a ku bhane ujitu uoso u ua mu bhingi,

I Samuuele 1:2

Muenhú anga u kala ni akajiʼê aiadi; umoxi dijina diê Hana, o mukuá dijina diê Penina. Penina u kala ni anʼê, Hana-phe ka moneka mona.

I Samuuele 1:27

Nga sambelele ku ngi bhana mona muenʼiú; Jihova iú ua ngi bhana ujitu uoso u nga mu bhingile.