Dimatekenu 24:7 - O Mikanda Ikola

⁷ Jihova, Nzambi ia diulu, ua ngi katula mu dibhata dia tatʼetu, ni mʼoxi mua ngi vualela, iú ua ngi zuelesa, ua ngi lokela, uixi: Ixi ienhiʼii ngi i bhana mbutu ié; muene ua kà tuma anjo iê ku pholo, o kuenhoko kuene ku ua kà bhenga muhatu phala monʼami.

Dimatekenu 24:7 ပူးပေါင်းရင်းမြစ်များ

Dimatekenu 13:15

Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 16:7

O anjo ia Jihova anga i mu sanga bhu fiẋi ia menha mu kikangalakata, fiẋi ia njila ia Sule.

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Dimatekenu 21:17

Nzambi anga uívua dízui dia kamona; anjo ia Nzambi anga u handekela Hangale; dízui dia tundu muene mu diulu, uixi: Ihi i uala na-iu, Hangale? Kana kukala ni hele ia kima; kuma Nzambi uevu dízui dia mona tundé bhuoso bhu ua mu bhake.

Dimatekenu 22:11

Maji o Anjo ia Jihova anga u mu handekela, tunde ku diulu, uixi: Mbalahamu! Muene anga u vutula uixi: Emʼiú.

Dimatekenu 24:3

Eme ngi ku lokese mu dijina dia Jihova, Nzambi ia diulu ni ixi, kuma monʼami ku mu sotele muhatu mu ilumba iʼakuaxi ia Kaná mu nga tungu-mu;

Dimatekenu 24:40

Muene ua ngʼambela, uixi: Jihova ió ua bhingi ngala kuenda jinga ku mesu mê, u tuma anjo iê ku ku bheka, u ku bhana kuzediua mu njila mu ua-nda kuila, o monʼami ua diiala ua kà mu solele muhatu ku jindandu jami, mu bhata dia tatʼetu.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Ejidala 1:2

Silu, sobha ia Pélesa, uambe kiki: Jihova, Nzambi ia maúlu ua ngi bhana maútuminu moso mu ngongo, iú ua ngi tumu ku mu tungila inzu mu Jeluzaleme, mbonge iala mua Juda.

Jisálamu 103:20

Tanesenu Jihova, mu ji-anjo jê; mu mazonda, mua xikamena muene ku mi tuma, muène mu tumaka izuua ioso o dízui diê.

Jisálamu 136:26

Mbàmba, sakidilenu Nzambi ia diulu; kuma kulenduka kuê ki kuene kúbhua.

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisálamu 34:7

Anjo ia Jihova i kala jinga ku kilangidilu kia iá a mu kuatela uôma, hé u a kudila.

Jisálamu 73:24

Eie u ngi bhana kaiula kioso ki ngenda jinga kunu, hádia u ngi tambule mu kibúta kibenha ni fuma.

Makatukilu 13:5

Kioso-phe Jihova kia kà mi bheka mʼoxi ia Makanana, ni Mahiti, ni Mamodi, ni Mapelezi, ni Mahivi, ni Majebusi, ixi ia lokela jitata jenu ku mi bhana-iu, ixi i kunguluka lete ni uiki, mua kà kuata ue kijilʼiki, mu mbeji iene i tualʼiii.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Makatukilu 33:2

Nga-nda kutuma-phe Anju ku ku tuamenena; o Makanana, ni Mamodi, ni Mahiti, ni Mapelezi, ni Mahivi, ni Majebusi, nga-nda ku a kaia-mu;

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Jona 1:9

O muene u a tangela uixi: Eme ngi Hebeleu, ngene mu kubheza Jihova, o Nzambi ia diulu, ua bhanga musanza ua kalunga nʼoxi ia kukuta.

Dialuilu 11:12

Kifuẋi kiosuʼiki eme nga emita? Eme nga a vuala? Ki ua ngi tumuʼiki, uixi: A ambate bhu jihata kala kiledi, kífua mona hanji uala mu kuâmua, katé kia bhiẋila mʼoxi i ua lokela o jitata jâ?

Dialuilu 14:16

Mukonda Jihova ua lémbua kubhiẋidisa kifuẋi kiki mʼoxi ia a lokela ku a bhana, kiene kia a jibhila mu kikangalakata.

Dialuilu 14:30

kidi muene, ki mua kà bokona dingi mʼoxi i nga lokela, ngixi: Ngi mi tungisa momo; kale ngó Kalebe dia Jefune ni Josuué dia Nune.

Dialuilu 32:11

Kidi muene, mala enhá a tundu mu Ijitu, oso a kuata kiá makuinhi aiadi a muvu, mba ku makuinhi aiadi a muvu a te-ku kiá, ni muthu ngó ka kà mona mʼoxi i nga lokela kua Mbalahamu ni kua Izake, ni kua Jakobo; mukonda ka ngi kaiela ni lujiji;

Jipoxolo 7:5

Nzambi muène, Mbalahamu ka mu bhana-mu kibatu kia kulundula, né kia soko ngó kujika o dikanda diê dia dinama. Maji Nzambi anga u ta kikutu kia ku mu bhana-iu ku ivua, ni ku i bhana o mbutu iê ku i lundula. Sumbala Nzambi ki a te o kikutuʼiki, Mbalahamu ka moneka luua mona.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 34:4

Jihova anga u mu ambela, uixi: Iii iene o ixi i nga lokela Mbalahamuʼii, ni Izake, ni Jakobo, kuila: Nga-nda ku i bhana o mbutu ié. Nga ku londekeza-iu-phe phala u i mone ngó ni mesu mé, maji kua-nda kubokona-mu.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 11:9

O mu kuxikana, muène u kuata kunhunga mʼ oxi ia polomesa, kala ki ixi iê, u tunga mu jibalaka, ni Izake, ni Jakobo, a sokela-nê mu kukala alundudi a Nzambi mu polomesa imoxi ienʼ íii.

Josuué 1:6

Kala u kindanda, u kole kiambote muxima; kuma o kifuẋi kiki eie muene ua-nda ku ki uanena ibatu ia undundu uâ, mʼoxi i nga lokela jitata jâ ngixi hinu ngi mi bhana-iu.

Josuué 24:3

Eme-phe nga tungula-bhu tatʼenu Mbalahamu, ku sámbua dia ngijiʼoko eme nga mu katula-ku, eme nga mu endesa ni kunhunga-nê mʼoxi ioso ia Kanana; mbutu iê nga i sokolola ue, mu ku mu bhana Izake.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Afundixi 2:1

Mukunji ua Jihova anga u tunda bhu Jidingale u banda ku Betele. Uixi: Eme nga mi katula mu Ijitu, nga mi bheka mʼoxi i nga lokela ku jitata jenu, ngixi; Kikutu kiami kioso, ki nga te ni enu, ki ngi ki tondala kana, kate ku miji ni miji.