Dimatekenu 24:45 - O Mikanda Ikola

⁴⁵ Kioso-phe kiluua ngó ngi zubha kuzuela ni muxima uami, Bebeka-ze iú uizʼú ni disanga diê bhu kisuxi; anga u tuluka mu ndunga ia menha, u teka; eme-phe nga mu ambela, ngixi: Ngi bhane-ku tumenha, ngi nue.

Dimatekenu 24:45 ပူးပေါင်းရင်းမြစ်များ

Dimatekenu 24:44

muene nʼa kèla: Nué, ni jikamelu jé, ngi ji tekela; muenʼió a kale muene o muhatu a mu solo kuala Jihova mu kala muhatu ua monʼa muadiʼami.

II Samuuele 7:27

Kuma eie, u Jihova dia Ifuẋi, u Nzambi ia Izalaiele, ua kʼivisa mu mátui ma mubhikʼé, uixi; Eme nganda ku ku tungila dibhata; kiene ki nga ki sangela mu muẋima, ngi mubhikʼé, o ku ku sambela musambu uenhú.

Nehemiia 2:4

Anga sobha u ngʼambela, uixi: Kiki phe kima kiahi ki u ngi bhinga; eme bhenhobho ngi sambela Nzambi ia diulu,

Izaía 58:9

Bhenhobho o ki u dikola, Jihova ua-nda ku kuitaia; o ki u ta nzôngo, muene ua-nda kuila: Emeʼú! Kala-phe, kuxina akuenu o kimbamba, muʼaxaxi ké kibhua-mu, ni ku toka mulembu kua mukuenu, ni kuzuela kua izala;

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Daniiele 9:19

Eie Jihova, tata, ivua! Eie Jihova, tata, loloka! Eie Jihova, tata, tu suue, u sakalale mu kalakala, kana kukokoloka! Nga ku bhingi mu dijina dié eʼmuene Nzambi iami, tata; kuma diembu dié ni mundu ué afumana kuma a kutokala.

Daniiele 9:23

Kioso ngó ki uandeka o kudionda, kiene kia ngi bhana o ngonge, eme ngeza phala ku ku jimbuila-iu, mukonda eie u muthu a ku zola kinéne. Uívua-phe kiambote o maka iá, kisuma kiki ki ku tetulukile.

Matesu 7:7

Bhinga, nda a ku bhane; sota, nda u sange; ṗhuṗha, nda a ku jikuile.

Jipoxolo 10:30

Koloneliu, uixi: Lelu uana kizuua tunde ki nga kexile mu ku kumbidila o ola ia katatu ia kusamba, ku kiemba Mu kumbi uila mueniumu, mʼ onzo iami, kua ngi tukulukila muthu ni izuatu ibenha,

Loma 8:26

Kiene kimoxi ue, o Nzumbi ia Nzambi uiza ku tu kuatekesa mu kubhuila kuetu. Kuma etu ki tuijiia kusamba kioso kia tokala. Maji o Nzumbi muene u tu diondela kua Nzambi ni kukumba ki ku xikina ku ku lombolola ni izuelu.