Dimatekenu 24:4 - O Mikanda Ikola

⁴ maji uia kʼoxi ietu, kuala jindandu jami, kuene ku ua kà bhenga muhatu phala monʼami Izake.

Dimatekenu 24:4 ပူးပေါင်းရင်းမြစ်များ

Dimatekenu 11:25

Kia zubha kuvuala Tela, Naholo u bhanga dingi hama ia muvu ni kuinhi niʼvua, u vuala anʼa mala ni anʼa ahatu.

Dimatekenu 12:1

Jihova anga u ambela Mbalamu, uixi: Katuka mʼoxi ienu, ni mu jindandu jenu ni mu bhata dia tatʼenu, ua kʼàie ixi iengi;

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 24:38

Maji-phe, eʼ ua kàia ku bhata dia tatʼetu, ku jindandu jami, kuene ku ua kà sota muhatu phala monʼami.

Dimatekenu 24:5

Selevende iê anga u mu ambela, uixi: Imoxi muhatu ka ẋikina kuiza kʼoxi kunu ku tuala; manhi monʼé ngi mu bheka dingi kʼoxi ienu ku ua tundile?

Dimatekenu 28:1

Izake anga u ixana Jakobo, u mu bhana dibesá, hé u mu tendelela, uixi: Eie kana kusakana muhatu ku ana-ilumba ia akua Kanana.

Dimatekenu 28:2

Balumuka, uie ku Padalane, ku dibhata dia Betuuele, tata ia manhenu, ua kà sole muhatu koko ku anʼa Labano, phange ia manhenu.

II Malunda 24:3

Joiada anga u mu sotela ahatu kiiadi; hé u vuala anʼa mala ni anʼa ahatu.

Jihebeleu 11:15

Ka mu xinganeka kuvutuka dingi ku ixi ioio kua tundu kiá. Se andalele, hinu a mono kithangana kia kuvutukila-ku.

Afundixi 14:3

Tatʼâ-phe u mu vutuila, ni mamʼâ, exi: Kifua ku akua muiji uenu kunu, mba ku mbutu ietu ioso, kua kambe muhatu, kuila uia mu kubhenga muhatu ku akua Fidíxia, o muiji ua akua mabolo? Sansau-phe u ambela tatʼâ, uixi: Ngi bhengele-nê, kuma muene ua ngi uabhela.