Dimatekenu 24:31 - O Mikanda Ikola

³¹ Uixi: Tu sange, u muthu uangene ua Jihova; uemanena-hi ngó mu kangʼumu? Nga ku iudikila kiá o kijima, sai ue kididi kia jikamelu.

Dimatekenu 24:31 ပူးပေါင်းရင်းမြစ်များ

Dimatekenu 18:3

Uixi: Ngana iami, se nga sange kisangu-sangu bhu pholo ié, kana ku ngi somboka, ngi selevende ié, nga ku diondo.

Dimatekenu 19:2

uixi; Enu jingana, nga mi diondo, zenu mu tule monzo iami, ngi selevende ienu, mu zeke momo, mu sukule inama, o ki kúkia mu kimene muile njila ienu. Ene exi-phe: Kana, tu kala muene mu nzunga usuku uoso.

Dimatekenu 19:3

Muene-phe u a bhomba kiavulu, katé kiʼaii-nê, ia a bokona monzo iê; muene anga u a bhangela jimbolo jósusu, ene anga a dia.

Dimatekenu 24:30

Kuma muene kia mono nela ni jisêlu ja zuata phangʼiê ia muhatu mu maku, ni kievu maka ma a kundu Bebeka phangʼiê, kuila kiene kia ngi kundu muthu muenhó; Labano-phe uia ku diiala, u mu sanga iú ni jikamelu jê, bhu ndunga ia menha.

Dimatekenu 26:29

Loka kuma eie hinu ku tu bhange kiaiibha, kala etu uetu tua kambe ku ku kuata, tua ku bhange ngó mbote, etu tua ku ehela kusuluka ni paze. Eie kiki uala u muthu a ku zediuisa kuala Jihova.

Dimatekenu 29:13

Labano-phe kia zubha kuívua hundu ia Jakobo, monʼa phangʼiê ia muhatu, uiza ni kulenga mu takana-nê, u mu bhubhala, u mu bhana jibejo, u mu bheka ku bhata diê. Muene anga u kundila Labano ima ioso ia bhiti na-iu.

Jisálamu 115:15

A mi zediuise kuala Jihova, ua bhanga o diulu ni ixi.

Jisabhu 17:8

Oso a a tambula diminhinu, dienhidi mbambe ni diiamande kua ene; kuoso-kuoso kua di tela, di a bhandulula.

Jisabhu 18:16

Muthu, bhu pholo ia jingana, u kuata ujitu bhu maku, uene u ku xitunuina o njila, anga u kubheka-bhu.

Afundixi 17:2

Muene anga u ambela mamʼâ, uixi: Kitadi kié kia ku nhanene, o midi ia xikulu ia itadi ia phalata ni hâma, kia ku bhangesele kuila mu mátui mami muene, u mu bhubhidila uoso ua ki nhana, talesa, eme ngala na-kiu, eme muene nga ki nhana. Mamʼâ anga u mu ambela, uixi: Jihova a ku zediuise monʼami.

Lute 3:10

Kuala Bouaji: Jihova a ku bhane dibesá, monʼami! Mukonda o mbote iii i ua sukidila kubhanga iala kota, o i ua diangele kubhanga iala ndenge; kuma eie kua kaiela mala a minzangala, a kale jingadiama, mba a kale akua itadi, ki ene u ua suu.