Dimatekenu 24:27 - O Mikanda Ikola

²⁷ Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

Dimatekenu 24:27 ပူးပေါင်းရင်းမြစ်များ

Dimatekenu 13:8

Mbalamu anga u ambela Lote, uixi: Ki bhu kale jimvunda bhuʼaxaxi ka eme ni eie, bhuʼaxaxe ka abidi a ibhaku iami, ni abidi a ibhaku ié, mukonda tuala tu jiphange.

Dimatekenu 14:20

A tane-ku ue, Nzambi Suke-ku, ua ku thelekala jinguma jé bhu maku mé. Anga u mu bhakuila o dijimu ku imbamba ioso iambata.

Dimatekenu 24:12

Anga u zuela, uixi: Eie u Jihova, u Nzambi ia muadiʼami Mbalahamu, nga diondo, ngi bhane kitakanesu kiambote mu kizuua kia lelu, o muadiami Mbalahamu u mu bhange o mbote.

Dimatekenu 24:21

Suí, ku mona muhatu uala mu bhanga kiki, diiala diemana ngó, ua di xibhʼê, phala kuijiia mba kidi kiene Jihova ua mu bhana kuzediua mu njila iê ioso iende, mba kana.

Dimatekenu 24:4

maji uia kʼoxi ietu, kuala jindandu jami, kuene ku ua kà bhenga muhatu phala monʼami Izake.

Dimatekenu 24:42

Maji o lelu-phe ki nga bhiẋila bhu ndunga ia menha, ngixi: Eie u Jihova, u Nzambi ia muadi ʼami Mbalahamu, se kidi kiene ua ngi bhana kuzediua mu njila ienhiʼii ia ngi bheka,

Dimatekenu 24:48

Kieniʼokio, anga ngi bhetama mútue, ngi bheza Jihova, ngi tanesa Jihova, dia Nzambi ia muadiʼami Mbalahamu, ua ngendesa njila iambote mu kusola monʼa kilumba, monʼa phange ia muadiʼami, mu kala muhatu ua na velu monʼê.

Dimatekenu 32:10

ngi muthu ki nga fuama, né kòfele, ku ngi bhanga jihenda josoʼiji, ni kidi kioso ki ua ngi bhanga, ngi mubhikʼé; kuma ki nga zaukile Njolodá mueniú, ngʼambatele ngó mbangala; kiki phe nga di bhange ngi ilombo iiadi.

Dimatekenu 32:11

Ngi kudile, nga ku diondo, bhu lukuaku lua kota diami, o lukuaku lua Izaú; kuma nga mu kala ni uoma mba uiza u ngi kuama, ni mama ni ana kumoxi.

Dimatekenu 9:26

Uixi, dingi: A tane-ku Ngana, Nzambi ia Seme, Kanana a kale mubhikʼê;

II Samuuele 18:28

Ahimaaze kia bhixila anga u kola, u ambela muenexi, uixi: Kuala kiambote! Anga u bhetama bhu pholo ia muenexi, u tula pholo mu mavu, uixi: A tane-ku! Jihova Nzambi ié, ua tu bhakuila o mala a zengele lukuaku luâ mu ku ku bhanga kiaiibha, eie kùku, ngana iami.

Jisálamu 100:5

Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.

Jisálamu 68:19

Ngana a tane-ku! mukua kuila izuua ioso u tu ahula o kimbamba kia tu xina, hé u tu izalesa ni mbote; muene Nzambi ietu ia Kibhamuenhu. (Selah.)

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Makatukilu 18:10

Jétulu anga u zuela, uixi: A tane-ku Jihova ua mi kudila bhu maku a akua Ijitu, ni bhu maku a Falaó; ua kudila o kifuẋi kiki ku mualala ua akua Ijitu.

Makatukilu 2:11

Mu izuua muenhomo-phe, kuila Mozé ua kulu kiá, u tunda, uia bhuala jiphange jê, anga u kala mu tala ikalakalu iâ ia hadi, anga u mona mukua Ijitu uala mu beta Hebeleu, ene o jiphange ja Mozé.

Makatukilu 2:13

Kizuua kia kaiadi anga u tunda dingi, u sanga mala kiiadi, Jihebeleu joso, ala kuzoka; anga u ambela ió uoso uala kubhanga kiaiibha kua mukuâ, uixi: Uala mu betela-hi mukuenu?

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Luka 1:68

Sakidilenu Ngana, Nzambi ia Izalaiele! Kuma mundu uê ua u zungila, ua u kula;

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

Lute 4:14

Ahatu anga ambela Nouemi, exi: Jihova a tane-ku! lelu ua ku bhana ndandu iazukama u tena kukala dilemba ni ku ku kula, mbé difundo o dijina diê di kale jinge mua Izalaiele.

I Samuuele 25:32

Kienhókio Davidi anga u ambela Abingaile, uixi: Nga sakidila Jihova, Nzambi ia Izalaiele, ua ku tumu kizuua kia lelu ku ngi batuila.

I Samuuele 25:39

O ki evu Davidi kuila Nabale uafu, u zuela uixi: Nga sakidila Jihova ua ngi fúndila mulonga ua dilebhu diami di nga tambuile kua Nabale, ua ngi fudisa kubhanga kiaiibha eme ngi mubhikʼê. O phulu ia bhangele Nabale, Jihova ua mu vutuila-iu mu mútue uêmuène. Davidi anga u tuma kuta maka kua Abingaíle, phala ku mu sakana, nʼa kale mukajiʼê.