Dimatekenu 24:22 - O Mikanda Ikola

²² Anga ki bhita kuila, kia zubha o jikamelu kúnua, diiala u katula nela ia ulu i pezala kaxaxi ka xikulu, ni jisêlu jiiadi ja kuzuatela mu maku, ji pezala kuinhi dia xikulu ia ulu.

Dimatekenu 24:22 ပူးပေါင်းရင်းမြစ်များ

Dimatekenu 24:10

Selevende anga u katula kuinhi dia kamelu, ku jikamelu ja ngana iê, u katuka, uambata ima ioso ia tokala, kuma jimbongo joso ja muadiʼê ja mu kala bhu maku mê; anga u zangula, uenda katé ku Mezopotamiia, ku sanzala ia Naholo.

Dimatekenu 24:23

Uixi: Mona kilumba, eʼ tatʼenu nanhi? Ngi tangele-kiu; o kuila ku bhata dia tatʼenu tu mona-ku kididi kia ku tu zalela?

Dimatekenu 24:30

Kuma muene kia mono nela ni jisêlu ja zuata phangʼiê ia muhatu mu maku, ni kievu maka ma a kundu Bebeka phangʼiê, kuila kiene kia ngi kundu muthu muenhó; Labano-phe uia ku diiala, u mu sanga iú ni jikamelu jê, bhu ndunga ia menha.

Dimatekenu 24:47

Eme anga ngi mu ibhula, ngixi: Monʼa kilumba, u monʼa nanhi? Muene-phe uixi: Ngi monʼa Betuuele, monʼa Naholo, a mu vuala ni muhatuʼê Mídika; emʼeme nga mu zuika o dilenge mu pholo, ni jisêlu mu maku.

Dimatekenu 24:53

Selevende anga u katula makembu ma phalata ni makembu ma ulu, ni izuatu, u i bhana kua Bebeka; ni phangʼiê ia diiala ni manʼiâ, u a bhana ue imbamba iate kiavulu muene.

Estere 5:1

Kutula mu kizuua kia katatu, Estere u di iudika, u zuata izuatu iê ia ungana, anga u imana mu kithâdi kia moxi, bhua lulama mu sala ia muenexi; o muenexi muene ua xikana bhu kiandu kiê kia ungana, ua bhana pholo ku muelu ua mbalanda.

Jobe 28:1

Kidi muene, phalata iala ni ididi iê mua ku i kanda, o ulu ua kuzunza uala ue ni kididi kiê.

Jelemiia 2:32

Manhi monʼa kilumba u jimba makembu mê, inga dibhanga u landuka izuatu iê ia ubhanga? Eme phe o mundu uami a ngi jimbi muene, mu ndumba dia izuua ki i xikina ku i tanga.

Jelemiia 32:9

Mukáu anga ngi u sumba muene kua Hanamiiele, monʼa sekuluʼami, uala mu Anathothe, anga ngi mu pezalela kitadi, kuinhi dia xíkulu ia phalata ni sambuadi.

I Phetele 3:3

O kukemba kuenu ki ku kale kukemba kua kanga, kua kuinda kindemba, ni kuzakela makembu ma ulu, ni ku di ta izuatu ia-te kitadi kiavulu.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.