Dimatekenu 24:12 - O Mikanda Ikola

¹² Anga u zuela, uixi: Eie u Jihova, u Nzambi ia muadiʼami Mbalahamu, nga diondo, ngi bhane kitakanesu kiambote mu kizuua kia lelu, o muadiami Mbalahamu u mu bhange o mbote.

Dimatekenu 24:12 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 24:21

Suí, ku mona muhatu uala mu bhanga kiki, diiala diemana ngó, ua di xibhʼê, phala kuijiia mba kidi kiene Jihova ua mu bhana kuzediua mu njila iê ioso iende, mba kana.

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

Dimatekenu 24:42

Maji o lelu-phe ki nga bhiẋila bhu ndunga ia menha, ngixi: Eie u Jihova, u Nzambi ia muadi ʼami Mbalahamu, se kidi kiene ua ngi bhana kuzediua mu njila ienhiʼii ia ngi bheka,

Dimatekenu 24:48

Kieniʼokio, anga ngi bhetama mútue, ngi bheza Jihova, ngi tanesa Jihova, dia Nzambi ia muadiʼami Mbalahamu, ua ngendesa njila iambote mu kusola monʼa kilumba, monʼa phange ia muadiʼami, mu kala muhatu ua na velu monʼê.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 27:10

eie phala u i bheke kua phaienu, a die, a ku bhane dibesá kiosu-iki ka fu luua.

Dimatekenu 27:20

Izake anga u ambela monʼê, uixi: O mbole ua i mono-phe kiá kienhiki kindalʼiki monʼami? Muene-phe, uixi: Mukonda o Jihova dia Nzambi ié muene ua ngi bhana kibhuku.

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 31:42

Se o Nzambi ia tatʼetu, o Nzambi ia Mbalahamu, a mu mu kuatela uoma kuala Izake, ua kambele ku ngi bhângela, eie hinu ua ngi kaie maku a hatu. Nzambi ua tongolola o hadi iami i nga tale, ni kukalakala kua makuʼami, kiene kia ku bazelela mu usuku ua mazá.

Dimatekenu 32:10

ngi muthu ki nga fuama, né kòfele, ku ngi bhanga jihenda josoʼiji, ni kidi kioso ki ua ngi bhanga, ngi mubhikʼé; kuma ki nga zaukile Njolodá mueniú, ngʼambatele ngó mbangala; kiki phe nga di bhange ngi ilombo iiadi.

Dimatekenu 32:9

Jakobo anga u amba, uixi: Eie u Nzambi ia tatʼetu Mbalahamu, u Nzambi ia Tatʼetu Izake, u Jihova ua ngʼambela uixi: Vutuka kʼoxi ienu, ni ku undandu uenu, eme ngi kala mu ku ku bhanga mbote;

Dimatekenu 43:14

o Nzambi, Muteni-a-Ioso, a mi bhane kiadi bhu pholo ia diialʼódio, phala a mi ehele kuiza ni phangʼienu iamukuâ, ni Bejamí. Eme kiá se kua ngi bhingi anʼami oso a ngi bua-nâ, kuabhu, ngi bhanga dingi kiebhi.

I Jisobha 18:36

Hé ki bhita-phe kuila ki a zubha kubhikila o kithangana kia kubhana o mubhaku ua musa, polofeta Elija u zukama, anga u zuela, uixi: Eie u Jihova, Nzambi ia Mbalahamu, ni Izake, ni Izalaiele, di tukulule mbé lelu a kʼijiie kuma eie-muène u Nzambi mu Izalaiele, ni kuila ue kuma eme ngi ngunza ié, o ima ioso iii nga i bhange mu kizuelu kié.

II Jisobha 2:14

Anga u zangula o divunga dia Elija dia mu sonuena, anga u di vunda menha, uixi: O Jihova, Nzambi ia Elija, iú kué? Bhenhobho kia di vundu ku menha, ene a di muange mu mbandu jiiadi; anga Ilizeu u bhita.

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Nehemiia 2:4

Anga sobha u ngʼambela, uixi: Kiki phe kima kiahi ki u ngi bhinga; eme bhenhobho ngi sambela Nzambi ia diulu,

Jisálamu 118:25

Tu bhulule, u Jihova, tua ku diondo, tu bhane kiá o kubhanduluka, tua ku diondo u Jihova.

Jisálamu 122:6

Sambenu phala Jeluzaleme a kale ni kutululuka; oso a ku zola, Jeluzaleme, a bonga kuzediua.

Jisálamu 127:1

Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

Jisálamu 37:5

Njila ié i uenda bhakula-iu kua Jihova, u mu dielele muene, a bhange-bhu kioso kia tokala.

Makatukilu 3:15

Nzambi anga u ta-ku dingi kuambela Mozé, uixi: Anʼa Izalaiele ua kà ambela kiki: Jihova, Nzambi ia jitata jenu, Nzambi ia Mbalahamu, Nzambi ia Izake, Nzambi ia Jakobo, ua ngi katula, iú ua ngi tumu ko kuenu; didi diene o dijina diami di xalela-ku, diene dia ku ngi lembalala na-diu kutunda muiji kuiza muiji.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Matesu 22:32

Eme ngi Nzambi ia Mbalahamu, Nzambi ia Izake, Nzambi ia Jakobo? Nzambi ki Nzambi ia madifundu, maji ia athu a muenhu.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.