Dimatekenu 23:16 - O Mikanda Ikola

¹⁶ Mbalahamu anga uívua kiazuela Efelone; Mbalahamu anga u pezalela Efelone phalata ia xindi muene mu mátui ma anʼa Hete, hama jiuana ja xikulu ja phalata, itadi ia thembu ienhoio ia kexi mu ta-na-iu o uenji.

Dimatekenu 23:16 ပူးပေါင်းရင်းမြစ်များ

Dimatekenu 23:15

Ngana iami ngʼivue: Tumavu tua tokala tu ta ngó hama jiuana ja xikulu ja phalata, mudietu-phe, ni eie ni eme, ienʼiii kima kiahi? Fûnda ngó o kimbi kié.

Dimatekenu 43:21

Mu kuvutukisa-phe bhu kilômbo bhu tua zekela, tuedi tu jikula mu jisaku jetu, tu tukumuka itadi ietu ioso kala muthu tua ki sange mu saku iê, kia tenena muene ku pezo; maji tueza nakiu dingi, kiki ki tua kuata bhu makuʼetu.

Dimatekenu 49:29

Anga u a tendelela, uixi: Eme a-ndu ngi bhongolola kuʼàia mundu uetu; mua kà ngi fûnda ni adietu a ngi vuala mu dibânda diala mu mukáu ua Efelone, o Muhiti,

Dimatekenu 50:13

Kuma anʼê aii-nê mʼoxi ia Kanana, ia a mu fûndu mu dibânda dia mukáu ua Makapela, dia sumba Mbalahamu ni mukáu kumoxi, kua Efelone, o Muhiti, bhua lulama ni Mamele, mu kala undundu uê, ni ki kale kididi kiê kia kufûndila.

II Samuuele 14:26

O kia bhuta o kindemba ku mútue uê, (kuma uene kubhuta bhu batukila o muvu, mukonda kindemba ki mu nemena, kiene kia ki bhutila,) kindemba kiê ki pezala hâma jiiadi ja xikulu, mu pezo ia muenexi.

II Samuuele 24:24

Muenexi anga u ambela Alauna, uixi: Ki kiene; kikale ngi i sumba muene ko kué mu kitadi kioso kia tokala. Ki ngi xikina kubhakula kua Jihova Nzambi iami, jisata ja kuoha ji nga tambula mu ngoho, nga kambe kuta-mu kima. Kienhiki Davidi u sumba dibhiatelu ni jingombe, mu makuinhi atanu a xikulu ja phalata.

Jobe 28:15

Ki ki xikina ku ki bhela ulu ua nzeta, mba a ki pezalela phalata mu ku ki sumba.

Makatukilu 30:13

Uoso-phe a mu alula kiá, ua kà bhana kiki: Kaxaxi ka xikulu, xikulu-phe ia dibhezelu; (ioio iala ni makuinhi aiadi a milambongo) kaxaxi ka xikulu uene ujitu ua Ngana.

Jelemiia 32:10

Hé ngi soneka dijina diami ku mukanda ua uenji, anga ngi ta-ku o kidimbu mu ku u jika, hé bhu kala ni jimbangi; anga ngi mu pezalela o kitadi kiê ku pezu.

Jelemiia 32:9

Mukáu anga ngi u sumba muene kua Hanamiiele, monʼa sekuluʼami, uala mu Anathothe, anga ngi mu pezalela kitadi, kuinhi dia xíkulu ia phalata ni sambuadi.

Izekiiele 45:12

O xikulu i kala ia makuinhi aiadi a jela; ni makuinhi aiadi a xikulu, ni makuinhi aiadi a xikulu ni kitanu, ni kuinhi dia xikulu ni kitanu, i mi kala kiene o kizongelu kia alatele imoxi.

Zakadiia 11:12

Eme anga ngʼa tangela, ngixi: Se mua ki mono kuuabha, ngi bhanienu futu ioso ia ngi tokala; o ki muila kana, kuabhuʼé. Anga a pezala o futu iami, hé a ngi futa makuinhi a tatu a itadi ia phalata.

Matesu 7:12

Kala kiki, ima ioso-phe i mua mesena kuila athu a mi bhanga-iu enu, iene ue muene i mua bhanga ene; mbata kiene kia jimbulula o Kitumu kia Mozé ni milongi ioso ia jipolofeta.

Jipoxolo 7:16

Imbi iâ anga a i ambata hé eza na-iu mu Xikeme. Anga a a funda mu mbila ia sumbile Mbalahamu, mu kitadi kia phalata kua anʼ a Hamolo, mu Xikeme.

Loma 13:8

Kana kudievela kima ku muthu uoso-uoso. O dikongo dimoxi di mu kala na-diu ngó, dia ku di zola mudienu. Kuma uoso u zola mukuâ, ua kumbidila (ua tumaka) o Kitumu.

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.