Dimatekenu 23:10 - O Mikanda Ikola

¹⁰ Bhenhobho Efelone ua xikama muʼaxaxi ka anʼa Hiti; Efelone dia Muhiti, anga u vutuila Mbalahamu, mu mátui ma anʼa Hiti, ene oso kiá ene mu bhita bhu muelu ua kimbaka kia mbonge iâ, uixi:

Dimatekenu 23:10 ပူးပေါင်းရင်းမြစ်များ

Dimatekenu 23:18

Iene ioso ia bhiti ku konda ia Mbalahamu mu kala undundu uê, jimbangi anʼa Hete, kuma kia bhiti bhu pholo iâ, ni ene oso kiá ene mu bhita bhu muelu ua kimbaka.

Dimatekenu 23:9

Phala a ngi bhane o dibânda dia Makapela, dia vu muene, bhu mbambe bhua suku o mukáu uê; muene a xinde suilu iasoko muoso mua ngi bhela nadiu muʼaxaxi kenu, di kale undundu uami, kididi kiami kia kufundila.

Dimatekenu 24:10

Selevende anga u katula kuinhi dia kamelu, ku jikamelu ja ngana iê, u katuka, uambata ima ioso ia tokala, kuma jimbongo joso ja muadiʼê ja mu kala bhu maku mê; anga u zangula, uenda katé ku Mezopotamiia, ku sanzala ia Naholo.

Dimatekenu 34:20

Hamolo-phe, ni monʼê Xikeme, anga eza bhu muelu ua kimbaka kia dibhata diâ, a ta maka ni mala a akua bhata, exi:

Dimatekenu 34:24

Ene oso akua bhata ene kubhita bhu muelu ua kimbaka, anga evua Hamolo ni monʼê Xikeme; mala oso a akua bhata anga a a saia, ni oso ene kubhita bhu muelu ua kimbaka kiâ.

Jobe 29:7

Kioso ki ngàʼia jinga bhu muelu ua mbonge, o bhu itanda bhene bhua ngi iudikila kialu kiami kia kuxikama,

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

Matesu 9:1

Muène ua di longo mu bote, anga u zaúka ku sámbua, u tula mu mbonge iê-muène.

Lute 4:11

Mundu uoso a xikama bhu muelu ua kimbaka, ni adiakimi, bhenhobho exi: Tu jimbangi muene. O Jihova a bhangese kuila muhatu iú ueza mʼonzo ié a soke ni Lakele ni Liia, a tenene kiiadi kiâ kubhanga o dibhata dia muiji ua Izalaiele. Eie muene ue Bouaji, kala u dikuenze, o Nzambi a ku bhane kuzediua mu Efrata, ni kujinga o dijina mu Beleme.