Dimatekenu 22:9 - O Mikanda Ikola

⁹ Kia tula bhu kididi kioso kia mu idikiza Nzambi, Mbalahamu u tunga kalatódio, anga u zela-ku jihuinhi, u kuta monʼê Izake, u mu zekesa bhu kalatódio ku thandu a jihuinhi.

Dimatekenu 22:9 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 12:8

Anga u tunda-bhu uia ku mulundu ku mbandu ia thunda ia Betele, u ximbika-bhu balaka iê, Betele ua mu kala ku mbandu ia musanza, o Hai ua mu kala ku mbandu ku tundila dikumbi, muene uala mu kaẋi. Bhenhobho anga u tunga-bhu Kalatódio phala Jihova, u hingila o dijina dia Jihova.

Dimatekenu 13:18

Mbalamu anga u sondolola dingi jibalaka jê, uiza hé u tunga bhu miẋi ia mikaluvalu iaʼxi ia Mamele, ia zukama bhu Hebolone; bheniʼobho anga u tunga-bhu kalatódio phala Jihova.

Dimatekenu 22:10

Mbalahamu anga u sunununa lukuaku luê, u katula o mukuale, phala kujibha monʼê.

Dimatekenu 22:8

Mhalahamu anga u vutula, uixi: Nzambi muene ua-nda kusota kambudi kê ka ku mu satela, monʼami; anga ela kumoxi kiiadi kiâ.

Dimatekenu 8:20

Noué anga u tunga kalatódio ka Ngana; u kuata ku jixitu joso jazele, ni ku jinjila joso jazele, anga u bhana jisata ja kuoha ku thandu dia kalató dio.

I Jisobha 18:33

Bhenhobho u sokejeka-ku o jihuinhi, anga u uana-uana o ngombe ku jithumba, anga u ji lula ku thandu dia jihuinhi,

Jisálamu 118:27

Jihova muene Nzambi ietu, ua tu bhana o mukengeji; sata ia fesa kutenu-iu mikolo, mu i bheke katé bhu jimbinga ja kalatódio.

Matesu 27:2

Anga a mu kuta, aia-nê kua nguvulu Pilatu.

Marku 15:1

Kithangana, ki kuakie mu kimene, jinganga ja makota, ni adiakimi a Jijudé, ni jimesene ja kulonga o Kitumu, ni Kionge kioso kia Jitata, ki bhongoloka ku maka, anga a kutisa Jezú, aia-nê mu ku mu thelekala kua Pilatu.

Jipoxolo 8:32

O kibatu kia maka mu Mikanda ia Ngana muala kutanga Ngolambole, kiambe kiki: Muène a mu sunga kala mbudi i ambatela kuia bhu dijibhilu, ua di xibha mukuâ ni monʼa mbudi ku ió a mu bhuta o kindemba kiê. Mu kienʼiki, uedi ni muène hudi, ka jikula ngó dikanu diê.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

Tiiaku 2:21

Mukonda diahi, o Mbalahamu dia kukululuʼetu, Nzambi ua mu tanesene? Mukonda dia ima ia bhangele, kia satele monʼê Izake bhu kalatodio.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.