Dimatekenu 22:8 - O Mikanda Ikola

⁸ Mhalahamu anga u vutula, uixi: Nzambi muene ua-nda kusota kambudi kê ka ku mu satela, monʼami; anga ela kumoxi kiiadi kiâ.

Dimatekenu 22:8 ပူးပေါင်းရင်းမြစ်များ

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Dimatekenu 22:14

Mbalahamu kididi kieniʼokio anga u kʼixana, uixi: Jihova-jileh (mu ku ki lombolola edi: Jihova muene ua-nda kusota); kala kiene ku ki tanga katé mu kizuua kia lelu, exi: Ku mulundu ua Jihova muene u sota.

Dimatekenu 22:7

Izake anga u ambela tatʼâ Mbalahamu, uixi: Phaphai! Uixi: Emʼiú, monʼami! Uixi: Túbhia tutu ni jihuinhi, kambudi-phe kebhi, ka sata ia kuoha?

Dimatekenu 22:9

Kia tula bhu kididi kioso kia mu idikiza Nzambi, Mbalahamu u tunga kalatódio, anga u zela-ku jihuinhi, u kuta monʼê Izake, u mu zekesa bhu kalatódio ku thandu a jihuinhi.

II Jisobha 2:6

Elija-phe, uixi: Xala bheneʼabha, mukonda Jihova ua ngi tumu ku Njolodá. Maji o muene, uixi: Kikola, nga na! Eie kola o muenhu! Kuma eme ki nga-nda ku ku xa. Kienʼiki anga kiiadi kiâ aia kumoxi.

II Malunda 25:9

Amaziia anga uambela o muthu ua Nzambi, uixi: Tua-nda kubhanga-phe kiebhi, o hama ia jitalendu ja phalata ji nga bhe ku masoladi a Izalaiele? Muthu ua Nzambi anga u vutula uixi: Jihova uala ni kiavulu kia ku ku bhana, o kiki ndenge.

Matesu 19:26

Jezú ua exi suí, anga u zuela, uixi: Ku athu ki ki xikina; kua Nzambi-phe iene ioso i xikina.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 1:36

Anga u mona Jezú uala mù bhita, uixi: Talenu! Ió muène o Kambudi ka Nzambi!

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 5:12

Anga emba ni dízui dia suina, exi: Kambudi a mu jibhile, kia mu fuama kutambula o unéne ni umvuama, ni unjimu, ni uzonda, ni ujitu, ni fuma ni diximanu.

Dijingunuinu 5:6

O bhuʼ axaxe kê, bhu kiandu, anga ngi mona-bhu bhuemana Kambudi, a mu kondoloka ku iama iuana ia muenhu ni ku ikulakaji. O Kambudi kène kedi kala a ka jibhile. Muène u kala ni sambuadi diê dia lumbinga, ni sambuadi dia diesu, ene o sambuadi dia Nzumbi ia Nzambi a a tumikisa mu ngongo ioso.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.