Dimatekenu 22:4 - O Mikanda Ikola

⁴ Kizuua kia katatu Mbalahamu anga u bhetula mesu, kididi u ki mona mu kanga, kiná.

Dimatekenu 22:4 ပူးပေါင်းရင်းမြစ်များ

Dimatekenu 22:3

Kúkia ni kimene, Mbalahamu anga u balumuka, u zuika o bulu iê, uambata selevende jiiadi, ni monʼê Izake; u ẋanga ue jihuinhi ja sata ia kuoha, anga u katuka, uia ku kididi kia mu idikiza Nzambi.

Dimatekenu 22:5

Anga u ambela jiselevende jê, uixi: Xalenu bhabha ni bulu, eme ni mona tuie bhaná; o ki tua kà zubha kubheza tu vutuke, tu mi sange.

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

Estere 5:1

Kutula mu kizuua kia katatu, Estere u di iudika, u zuata izuatu iê ia ungana, anga u imana mu kithâdi kia moxi, bhua lulama mu sala ia muenexi; o muenexi muene ua xikana bhu kiandu kiê kia ungana, ua bhana pholo ku muelu ua mbalanda.

Makatukilu 15:22

Mozé anga u tuma Izalaiele kuia dingi ku pholo, a tundu bhu Kalunga Kakusuka, anga a bokona mu kikangalakata kia Sule; edi enda izuua itatu mu kikangalakata, menha ka moneka.

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 19:15

Anga u ambela o kifuẋi, uixi: Mu kala polondo, (mu di iudika) kizuua kia katatu; kana ku di kasanesa ni muhatu.

Makatukilu 5:3

Kuala ene: Nzambi ia Jihebeleu ua tu sange; eie tuehe-phe, tua ku diondo, tuie njila ia izuua itatu mu kikangalakata, tua kà satele Jihova, Nzambi ietu; mbe muene kʼeze kuthandu dietu ni dibhebhu mba xibhata.

Hozeia 6:2

Bhu bhita izuua iiadi, o ki i bhua u tu bhana dingi muenhu; mu kizuua kia katatu u tu fukununa, anga tu kala jinga kiá bhu pholo iê-muène.

Ijila 7:17

Mu kizuua-phe kia katatu, se ku xitu ia sata hanji kua xala, kikale a i oha mu túbhia.

Dialuilu 10:33

Anga a katuka bhu mulundu ua Jihova, enda dikanga dia izuua itatu; álaka ia kikutu kia Jihova anga ia tuamena ku pholo dikanga dia izuua itatu, mu ku a sotela kididi bhuoso bhua nhohena.

Dialuilu 19:12

O mu kizuua kia katatu u di bonza ni menha enhá, ni mu kizuua kia kasambuadi, hé u zela kiua; maji se mu kizuua kia katatu ka di bonza, mu kizuua kia kasambuadi ka tena kuzela.

Dialuilu 19:19

O ua zele, u sangela menha kua iú ua xidi mu kizuua kia katatu ni kia kasambuadi; mu kizuua kia kasambuadi-phe u mu zelesa; o muenhó ua kexile kikásane u sukula o izuatu iê, hé u zoua mu menha, o ku kiemba nʼa zele kiua.

Dialuilu 31:19

Enu-phe, mu tula hanji mu kanga, ki muize luua mu kibangu, sambuadi dia kizuua; uoso-phe ua jibha muthu, mba ua kuata ku kimbi, kikale mu di bonza kizuua kia katatu ni kia kasambuadi, ni enu ni jihutile jenu.

Matesu 17:23

Ene a kà mu jibha, maji ua kà fukunuka mu kizuua kia katatu. Ene anga a kala ni malamba mavulu.

Luka 13:32

Muène-phe, ua ambela, uixi: Ndenu, kà mu ambedienu, o mukenge muenhó, muixi: Talesa eme ngi tundisa madimonho, eme ngi saka jihaxi, ni lelu ni mungu, o kizuua kia katatu, kiene ki ngi tenesa o kikalakalu kiami.

I Kolindo 15:4

Kuma Muène a mu fundile, mu kizuua kia katatu anga u fukunuka kala kia ki soneka mu Mikanda;

Josuué 1:11

Bhitenu mu kilômbo muambele mundu a iudike huta; kuma izuua ki i tena, mua-ndu zaúka Njolodá muenʼiú, ni mu bokone mu tambula ixi ia mi bhana Jihova Nzambi ienu, nʼi kale ixi ienu.

I Samuuele 26:13

Davidi anga uia ku sámbua, u banda bhu thala ia mulundu mu kanga, bhu kaẋi ua te-bhu muene dikanga.