Dimatekenu 22:2 - O Mikanda Ikola

² Uixi-phe: Katula monʼé, monʼé umoxi-èlele, Izake, monʼé ua kazola uie-nê kʼoxi ia Modiia; kuenhoko ua kà ngi satele-nê, sata ia kuoha, bhu thala a mulundu uoso u ngi ku idikiza.

Dimatekenu 22:2 ပူးပေါင်းရင်းမြစ်များ

Dimatekenu 17:19

Ngana Nzambi, phe, u mu ambela, uixi: Ni kidi kiene, mukajiʼé Sala hinu ua-nda ku ku vualela monʼa diiala; eie-phe ua kà mu luka Izake; muenephe nga-nda ku ta-nê kikutu kiami; kikutu kinangenena phala o mbutu iê hádia i mu bhingana.

Dimatekenu 21:12

Nzambi anga u ambela Mbalahamu, uixi: Ki ki ku iibhile, mukonda dia kaiala ni mukamʼé, ioso iala ku ku ambela Sala, xikana-iu; mukonda o mbutu ijiia kua Izake iene iexana kuma mbutu ié.

Dimatekenu 21:3

Mbalahamu anga u luka monʼê ua diiala, a mu vualela-nê kuala Sala, dijina dia Izake.

Dimatekenu 22:12

Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.

Dimatekenu 22:16

uixi: Jihova uambe, nga di lokela mu dijina diami eme Muene, ki ua bhangʼiki, o monʼê ua diiala, monʼé umoxi-èlele, kua tena ku ngʼimina-nê.

Dimatekenu 22:3

Kúkia ni kimene, Mbalahamu anga u balumuka, u zuika o bulu iê, uambata selevende jiiadi, ni monʼê Izake; u ẋanga ue jihuinhi ja sata ia kuoha, anga u katuka, uia ku kididi kia mu idikiza Nzambi.

Dimatekenu 22:9

Kia tula bhu kididi kioso kia mu idikiza Nzambi, Mbalahamu u tunga kalatódio, anga u zela-ku jihuinhi, u kuta monʼê Izake, u mu zekesa bhu kalatódio ku thandu a jihuinhi.

Dimatekenu 8:20

Noué anga u tunga kalatódio ka Ngana; u kuata ku jixitu joso jazele, ni ku jinjila joso jazele, anga u bhana jisata ja kuoha ku thandu dia kalató dio.

II Jisobha 3:27

Bheneʼobho-phe u zangula monʼê ua phande-kumbi, muene ueji kuhinga ungana bhu kididi kiê, anga u mu satela ku thanduʼa lumbu; mua Izalaiele anga mu kala njinda ia vulu; kienʼiki akua Izalaiele a mu xa, a vutuka kʼoxi iâ.

II Malunda 3:1

Solomá he uandeka kutunga o inzu ia Jihova mu Jeluzaleme, ku mulundu ua Moliia, kua di londekezele Jihova kua Davidi, tatʼâ, bhu kididi kia iudikile Davidi, bhu dizanzu dia Holona, mujebuzi.

Mikeia 6:7

Nzambi u xikina ku mu bhomba ni jimidi ja jimbudi? Inga ngi mu bhomba ni kuinhi dià midi ia tungiji tua maji? Ngi mu bhana monʼami ua diiala ua phande-kumbi, mu mulonga uami? Mba o mbutu ia tundu mu mala diami, mu kituxi kia muenhu uami?

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

Loma 8:32

Nzambi uedile ni Monʼ ê muène ka mu fikixila, maji ua mu bhakuile mukonda dia etu-ene-oso! Nzambi se ua tu bhana Monʼ ê, u kamba kiebhi ku tu bhana mu ngoho, kumoxi ni muène, o ima ioso kiá?

Jihebeleu 11:17

Kiejila mu kuxikana, Mbalahamu kia mu lola, anga u bhakula Izake kala sata. Muène Mbalahamu a mu bhele o polomesa kuala Nzambi, ia ku di sokolola ndumba ia miji, sumbala kiene, muène ua bhakuile monʼê umoxi-eléle mu ku mu vuala.

Afundixi 11:31

hinu-phe kioso ki tunda mʼonzo iami, mu ku ngi kauidila, kizuua ki ngi bhongoloka ku paze nga tundu ku anʼa Amone, ki kala kia Jihova, ngi mu satela-kiu, ki kale sata ia kuoha mu túbhia.

Afundixi 11:39

Kia zubha-phe kubhanga mbeji jiiadi, muene u vutuka kua tatʼâ, anga tatʼâ u mu bhanga kioso kia tangele mu ku di hambelela kuê; monʼê-phe uafu kejiia luua diiala. Kienhiki anga ki xalela kífua mua Izalaiele,