Dimatekenu 22:17 - O Mikanda Ikola

¹⁷ Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 22:17 ပူးပေါင်းရင်းမြစ်များ

Dimatekenu 12:2

eme-phe nga-nda ku ku sokolola, nʼukala u muiji ua dikota; ngi ku zediuisa, ngi jingisa o dijina dié; eie ua kala u dibesá.

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 15:5

Anga u mu bheka bhu kanga, uixi: Tala-phe hanji ku diulu, u tange o jithéthembua, se u tena ku ji kuata konda; anga u mu ambela, uixi: Kiene kia kà kala o mbutu ié.

Dimatekenu 17:6

Nga-nda ku ku bhanga u kala u kivuadi kia dikota, ua kà di bhanga ifuẋi, jisobha hinu ja kà tunda momuʼé.

Dimatekenu 24:60

Anga a benzela Bebeka, a mu ambela, exi: Phangʼietu uà kala u mama ia jimidi ja ndumba, mbutu ié, i tambule konda ia muelu ua jinguma jâ.

Dimatekenu 25:11

O kutunda mu kúfua kua Mbalahamu, Nzambi u zediuisa Izake monʼê; Izake anga u tunga bhu kixima kia Lahai-loi.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 28:3

Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

Dimatekenu 28:4

A ku bhane dibesá dia Mbalahamu, ni eie ni mbutu ié; phala u lundule o ixi ia inhunginu ié mu uala kunhungina, ia bhana Nzambi kua Mbalahamu.

Dimatekenu 32:12

Eie-phe uambe kuma: Kidi muene ngà ku bhanga mbote, ngi sokolola o mbutu ié i soka ni museke bhu ndundu ia kalunga, ki u ẋikina ku u kuata konda mukonda dia kuvula.

Dimatekenu 32:13

Anga u zeka bhenhobho usuku uenʼió, anga u kuata ku ibhaku iê ujitu ua kutumikisa kua kota diê Izaú;

II Samuuele 17:11

Eme-phe ngi bhana phangu kuma a diange kubhongolola hanji akua Izalaiele oso bhu kinama kié, tunde ku Dane katé ku Beleseba, kifuxi mu kuvula ki kale mukuá ni kisekele bhu mdúndu ia kalunga; o ki aia ku ita eie muene uia-nâ muʼaxaxe kâ.

I Jisobha 4:20

Ni Juda ni Izalaiele ioso anga a vula kala kisekele bhu ndúndu ia kalunga, a kala mu kúdia ni kúnua ni kusanguluka jinga.

I Jisobha 9:26

Solomá anga u bhanga ue jinavio bhu Enzone-Ngabele bhua lulama ni Elote ku ndundu ia kalunga ka kusuka mu ixi ia Edomo.

I Malunda 27:23

O ió ka tenesene luua makuinhi aiadi a muvu, katé ku ana-ndenge bhoxi, sobha Davidi ka a tele mu konda, mbata Jihova ua tanga kuila o anʼ a Izalaiele uanda ku a sokolola kala jithéthembua ku diulu.

II Malunda 1:9

O kiki-phe, u Jihova Nzambi, ki dikumbidile, o kizuelu kié ki ua bhana kua tatʼetu Davidi, kuma eie ua ngi bhange ngi sobha ia mundu ua vulu, kala fufutila ia mavu mu ngongo.

Nehemiia 9:23

Anga u sokolola anʼâ mukuâ ni jithéthembua ja diulu, anga u a bhiẋidisa mu ixi i ua tangelele o jitata jâ ku i bokona, nda a i tambula ni a ivue.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Izaía 48:19

Katé ni mbutu ié ue, ieje kuila kala kisèkele; o oso a tunda mu vumu dié, ela kala jimbundu ja museke; o dijina diâ ki dieje ku batuka mba kujimuka ku mesu mami, lémbua.

Jelemiia 32:22

Eie ua a bhana o ixi iii, i ua lokela o jitata jâ kuila ua-nda ku a bhana-na-iu; ixi i kunguluka lete ni uemba.

Jelemiia 33:22

Kala kiene kulémbua o kutanga kifuxi kioso kia diulu, ni kisekele ku ndundu ia kalunga, a lémbua ku kizonga, kiene ue ki nga-nda kusokolola o luvualu lua Davidi mubhikʼami ni jilevita ala ni ukunji bhu pholo iami.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Hozeia 2:1

Phange ienu ia diiala, mu lukiʼenu Ami (Mundu-Uami); ni phange ienu ia muhatu, mu lukiʼenu Luhama (A-tu-kuatela-henda).

Mikeia 1:9

Mukonda o kitalakanha kiê, né a ki tumbu ki iluka dingi, kuma kia bhiẋila ni mu Juda. Kia di zale katé bhu muelu ua akua muiji uami, katé mu Jeluzaleme.

Loma 4:13

Kuma Nzambi o kikutu kia bhele kua Mbalahamu ni luvalu luê, kuma hinu ene a lundula oxi, ki kiejila mukonda uaiuka o Kitumu, maji kiejila mu kulunga kua kuxikana, o Nzambi iú ua mu xikina kuma ua lungu.

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

I Kolindo 15:57

Maji tu sakidilienu-phe Nzambi, ua tu bhana o kikoue mua Ngana ietu Jezú Kristu.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Matendelelu 1:10

Jihova Nzambi ienu ua mi sokolola kiá; xinganekenu kuma leluʼidi mua vulu kiá, muedi kiá kala mu jithéthembua bhulu.

Matendelelu 1:11

Jihova Nzambi ia jitata jenu a mi bandekeze muene, o ki mualʼokio a ki bhange dingi katé mu lumidi; ende ni ku mi zediuisa kala kia mi tangela-kiu kiá kuala muene.

Matendelelu 10:22

Jitata jenu kia kulumukine mu Ijito akexi ngó makuinhi sambuadi a muthu; o kiki-phe Jihova Nzambi ienu ua mi sokolola, kala mu jithéthembua ja diulu, mu kuvula.

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

Matendelelu 13:18

kioso eie ki u tumaka kiambote o dízui dia Jihova Nzambi ié, anga ukuata o kualuka ijla iê i ngala ku ku tendelela leluʼiii, ni uende ni kubhanga kioso kiaiukila ku mesu ma Jihova Nzambi ié.

Matendelelu 21:19

Tata ni mama a mu kuate, aie-nê ku adiakimi a mbonge iâ, a mu tule bhu muelu;

Jihebeleu 11:12

Uila kiki, ku muthu umoxi, o muène mukua ni kuila uafu kiá, kua sokoloka mundu, mu kuvula a sokela ni jithethembua ku diulu, ni kisekele ku mbandu ia kalunga, o ku a kondala ki ku xikina.

Jihebeleu 6:14

Muène uixi: Mu kidi kiene, o kuzediua ngi ku zediuisa, o kusokolola, ngi ku sokolola.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!