Dimatekenu 22:11 - O Mikanda Ikola

¹¹ Maji o Anjo ia Jihova anga u mu handekela, tunde ku diulu, uixi: Mbalahamu! Muene anga u vutula uixi: Emʼiú.

Dimatekenu 22:11 ပူးပေါင်းရင်းမြစ်များ

Dimatekenu 16:7

O anjo ia Jihova anga i mu sanga bhu fiẋi ia menha mu kikangalakata, fiẋi ia njila ia Sule.

Dimatekenu 21:17

Nzambi anga uívua dízui dia kamona; anjo ia Nzambi anga u handekela Hangale; dízui dia tundu muene mu diulu, uixi: Ihi i uala na-iu, Hangale? Kana kukala ni hele ia kima; kuma Nzambi uevu dízui dia mona tundé bhuoso bhu ua mu bhake.

Dimatekenu 21:18

Balumuka, mona u mu zangule, u mu kuate mu lukuaku; kuma eme nga-nda mu bhanga u kala kifuẋi kia dikota.

Dimatekenu 22:1

Kia zubha kubhita imʼiii, Nzambi u lola Mbalahamu, uixi: Mbalahamu; muene-phe uetaia, uixi: Emʼiú.

Dimatekenu 22:10

Mbalahamu anga u sunununa lukuaku luê, u katula o mukuale, phala kujibha monʼê.

Dimatekenu 22:12

Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.

Dimatekenu 22:16

uixi: Jihova uambe, nga di lokela mu dijina diami eme Muene, ki ua bhangʼiki, o monʼê ua diiala, monʼé umoxi-èlele, kua tena ku ngʼimina-nê.

Dimatekenu 24:7

Jihova, Nzambi ia diulu, ua ngi katula mu dibhata dia tatʼetu, ni mʼoxi mua ngi vualela, iú ua ngi zuelesa, ua ngi lokela, uixi: Ixi ienhiʼii ngi i bhana mbutu ié; muene ua kà tuma anjo iê ku pholo, o kuenhoko kuene ku ua kà bhenga muhatu phala monʼami.

Dimatekenu 31:11

O Anjo ia Jihova anga u ngʼambela ku nzoji, uixi: Jakobo; eme ngixi-phe: Emʼiú, Ngana.

Dimatekenu 37:13

Iza-laiele-phe u ambela Zuze, uixi: Phange jé kala mu disa ibhaku bhu Xikeme? Izá ngi ku tume kua ene. Kuala muene: Emʼiú.

Dimatekenu 46:2

Nzambi anga u zuelesa Jakobo mu jinzoji ja usuku, uixi: Jakobo, Jakobo! Muene uixi: Emeʼiú, Ngana!

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

Makatukilu 3:2

Mukunji ua Jihova anga u mu tukulukila mu mulengu ua túbhia, ua uamena mu kaẋi ka kisasa; sui, kuala Mozé, o kisasa kia uama túbhia, maji o kisasa ki kia mu jokota.

Makatukilu 3:4

Jihova-phe kia mono kuma ua lunguluka mu kutala, Nzambi u mu ixanena mu kaẋi ka kisasa, uixi: Mozé, Mozé. Kuala muene, uixi: Emʼiú, Ngana.

Izaía 6:8

Kia bhiti kiki, ngevu dízui dia Jihova, uixi: Mukuahi ngi mu tuma, nanhi u tu endela bhu kididi? Eme-phe, ngixi: Emeʼami-ú, Ngana, ngi tume eme.

Jipoxolo 26:14

Etu oso ki tua zubha o ku di bhala bhoxi, ngevu dizui dia ngʼambela mu uzuelelu ua Hebeleu, dixi: Saulu, Saulu! Eme ualu ngi zukutixila-hi? Eie, ni kuthathamana kuosʼ uku, ualu di kuamʼé ngó eʼmuene, mukua ni ngombe ki i ṗhuṗha isende ku jisongo.

Jipoxolo 9:4

Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

Afundixi 2:1

Mukunji ua Jihova anga u tunda bhu Jidingale u banda ku Betele. Uixi: Eme nga mi katula mu Ijitu, nga mi bheka mʼoxi i nga lokela ku jitata jenu, ngixi; Kikutu kiami kioso, ki nga te ni enu, ki ngi ki tondala kana, kate ku miji ni miji.

I Samuuele 3:10

Jihova anga uiza, u imana, u ixana Samuuele kala kia bhangele kiá lutatu lua dianga, uixi: Samuuele, Samuuele. Samuuele bhenhobho uixi: Zuela, Ngana, mubhikʼé iú uivʼú.

I Samuuele 3:4

Jihova u ixana Samuuele; muene-phe anga u itaia, uixi: Emʼiú.