Dimatekenu 21:8 - O Mikanda Ikola

⁸ Mona kia kulu, a mu sumuna; Mbalahamu anga u bhanga fesa ionéne kizuua kia sumuka Izake.

Dimatekenu 21:8 ပူးပေါင်းရင်းမြစ်များ

Dimatekenu 19:3

Muene-phe u a bhomba kiavulu, katé kiʼaii-nê, ia a bokona monzo iê; muene anga u a bhangela jimbolo jósusu, ene anga a dia.

Dimatekenu 21:7

Uixi, dingi: Nanhi muene ueji kuambela Mbalahamu kuila Sala uamuisa ana? Kuma nga mu vualela monʼa diiala mu ukukilu uê.

Dimatekenu 21:9

Sala anga u mona kuma Ijimaiele monʼa Hangale, mukua Ijito, a mu vuala ni Mbalahamu, ua mu bhanga kasekelelu kua Izake mu mu tobhesa.

Dimatekenu 26:30

Bheneʼobho Izake uà bhangela kizokola ene hé a dia a nua.

Dimatekenu 29:22

Labano anga u bhongolola akua bhata oso, u bhanga fesa.

Dimatekenu 40:20

Mu kubhiẋila-phe bhu kizuua kia katatu, kizuua kia Falaó kubhanga mivu ia ku mu vuala kuê, u bhanga fesa ia jiselevende jê joso; anga u bhetula mútue ua kopelu ia dikota ni padelu ia dikota mu, axaxi ka jiselevende jê.

II Samuuele 3:20

Kienhiki Abinele u bhiẋila kua Davidi mu Hebolone, ni makuinhi aiadi a muthu endela-nê kumoxi. Davidi anga ua a bhangela fesa, ni muene Abinele ni athuʼê eza-nê kumoxi.

I Jisobha 3:15

Solomá anga u phaphumuka ku kilu, manhi nzoji ianjiua. Anga uiza mu Jeluzaleme, hé u imana bhu pholo ia álaka ia kikutu kia Jihova, u bhana-bhu jisata ja kuoha ni jisata ja paze u bhangesa fesa ia dikota phala ene oso akua mbèle iê.

Estere 1:3

kutula mu muvu ua katatu ua kukala ku ungana uê, u bhanga fesa ia akua mbèle iê, ni jingana ni abhikʼê. Anga a bhongolola bhu pholo iê bhebhobho, ni jixefe ja ilombo ioso ia Pélesa ni ia Mediia a kala-bhu uâ, ni jitata ni jifixiiadi ja jisengu,

Jisálamu 131:2

Kana, inda nga bateka o muẋima uami, eme nga di xibhisa-u muene, kala mona ua sumuka kiá, kia di xibha bhu jihata ja mamʼâ; kiene ue muenhu uami moxi ua di xibha mukua ni mona ua sumuka kiá.

Hozeia 1:8

O kia zubha kusumuna Lo-Luhama, u imita dingi, anga u bhanduluka monʼa diiala.

Afundixi 14:10

Tatʼâ kia zubha ku kulumuka kuala muhatu, Sansau-phe anga u bhangela-bhu fesa, kuma kiene kiene mu bhanga o minzangala ioso ia mala.

Afundixi 14:12

Sansau anga ua ambela, uixi: Iza ngi mi tele nongonongo iami; se mu tena ku ngi lombuelela-iu mu sambuadi dia izuua ia fesa, hé mu i fokola muene kiambote, eme ngi mi bhana makuinhi atatu a malasola a linhu, ni makuinhi atatu a izuatu ia kukemba;

I Samuuele 1:22

Hana-phe u fula kubanda; kuma uambela munumʼie, uixi: Eme ki ngi bande luua, katé mona kia sumuka; o kia sumuka-phe kiene ki ngi mu ambata phala ni ngi mu bhakule bhu pholo ia Jihova, nʼa kalelè-ku kiá kuenhoko.

I Samuuele 1:24

Kia zubha ku mu sumuna anga u banda ni mona, ni ngalote jitatu ja ngombe ja kiubha, ni kinda kia fuba, ni kisudi kia vinhu, anga u mu bheka ku inzu ia Jihova mu Silo; kienhokio kambonga kene, hanji ala monʼa uisu.

I Samuuele 25:36

Abingaile anga uiza dingi kua Nabale, u mu sanga ua-lu bhanga fesa ia dikota mʼonzo iê, kala kizokola kia sobha. Nabale muene muẋima uê moxi ua mu tana, kuma ua kodiua kiavulu; mukonda dia kiki muene ka mu tangela kima, né kiofele né kionéne, katé ki kuákie.