Dimatekenu 21:33 - O Mikanda Ikola

³³ Mbalahamu bhu Bele-seba u kuna-bhu miẋi ia mutamala, anga u bheza bhe nhobho o dijina dia Jihova, Nzambi kene ni dizubhilu.

Dimatekenu 21:33 ပူးပေါင်းရင်းမြစ်များ

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

Izaía 40:28

Manhi kua kʼijiia, kua kʼivua kuila o Nzambi ió uà kaiela-ku, muene Jihova, o Mubhangi a ixi ioso Katé ni jihota jê, kene kuzônda, kene kubhuila? O kilunji kiê ki bhuene muthu utena kuzubha ku ki ijiia?

Jisálamu 90:2

Kioso milundu kiluua a i vuala, ni mavu ni ixi kiluua u i umba, tunde xahulu katé ku hádia, eie Nzambi u nangenena.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Loma 16:26

Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.

Dimatekenu 12:8

Anga u tunda-bhu uia ku mulundu ku mbandu ia thunda ia Betele, u ximbika-bhu balaka iê, Betele ua mu kala ku mbandu ia musanza, o Hai ua mu kala ku mbandu ku tundila dikumbi, muene uala mu kaẋi. Bhenhobho anga u tunga-bhu Kalatódio phala Jihova, u hingila o dijina dia Jihova.

Dimatekenu 4:26

Sethe ue ku izuua u vuala monʼa diiala, u mu luka dijina dia Enoxe; muene mu izuua mua-ndeka athu kudikola mu dijina dia Jihova.

Matendelelu 33:27

Nzambi kene mbambe, akale muene o disuamu dié. Bhoxi dié, maku manangenena, ma ku fikidile. Muene a kà kaie Nguma ku pholo ié, nda a ku bhue ku mesu, Muene uila: A buikise muene!

Loma 1:20

Kuma tunde Nzambi kia bhanga oxi, o ima iê-muène ia kambe kumoneka ku mesu, kutale o nguzu iê inanga, uixi o unzambi uê, ki i jimbi, mukonda ia di monekena. Kuma athu ia a jimbulukila mu imbamba ia bhanga Nzambi. Kala kiki, ene kala dingi ni maditatu.

Amoji 8:14

Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Afundixi 3:7

Anʼa Izalaiele anga a bhanga kiaiibha ku mesu a Jihova, kuma Jihova, Nzambi iâ, a mu jimbi hé a bhikila Jibaale ni iteka ia Jitalote.

Matendelelu 16:21

Bhuoso bhuala o kalatódio ka Jihova Nzambi ié, eie kana kuphapha-bhu muxitu ukôla ua miẋi ioso-ioso.

Dimatekenu 26:33

Muene anga u ki luka Seba; kala kiki o dibhata diodio a dʼixana Bele-seba katé mu kizuua kia lelu.

Dimatekenu 26:25

Izake anga u tunga kalatódio bheneʼobho, u hingila dijina dia Jihova, hé u ximbika-bhu o balaka iê; o jiselevende ja Izake anga a kanda-bhu ue kixima.

Dimatekenu 26:23

Kutunda bhobho, anga u banda, u kala bhu Bele-seba.

Jihebeleu 13:8

Jezú Kristu muène umoxi, ni mazá, ni lelu, katé ku hádia.

Dimatekenu 21:32

Kienhiki kia te o kikutu bhu Bele-seba; Abimeleke anga u balumuka-bhu, ni Fikole kesongo ka kilômbo kiê, anga u vutuka mʼoxi ia akua Fidíxia.

Makatukilu 15:18

Jihova ua hingila-ku; o ungana ué u nangenena.

Matendelelu 32:40

Kuma nga-nda ku leka lukuaku luami bhulu, ngixi: Eme ngala ni muenhu unangenena katé ku hádia ni hádia.

Jisálamu 93:2

Eie Ngana kiandu kiê kia kuata tunde xahulu; tunde dia tunde Eie nuka uà kambele-ku.

Habakuke 1:12

Tunde mʼokulu Eie kʼemuene u Jihova, Nzambi iami, Ukôla? Ki tualʼiki, Ngana, ki tua-nda kufuila-bhu; kuma Eie Ngana, o muiji iú ua u te phala kufundisa ni kubatula, kiene ki ua ki bhangela, Eie u ndanji ia kidi, kuma muiji iú ua u xindi kienhiki phala kulonga.