Kúkia ni kimene Mbalahamu u balumuka, u zangula mbolo ni mudingi ua menha, u i bana Hangale, u mu tuika-iu bhu isuxi, anga u mu bhana ni mona hé ua kaia; muhatu anga u katuka, u kuata kunhungana mu kikangalakata kia Bele-sebha.
Eme-phe ngi bhana phangu kuma a diange kubhongolola hanji akua Izalaiele oso bhu kinama kié, tunde ku Dane katé ku Beleseba, kifuxi mu kuvula ki kale mukuá ni kisekele bhu mdúndu ia kalunga; o ki aia ku ita eie muene uia-nâ muʼaxaxe kâ.
Mukuetu Elija kievu kiokio, phala kusubhuka ni muenhu, u balumuka, u katuka anga uiza bhu Beleseba, moxi ia Juda, anga u xa-mu o kambonga kê ka mu kuenda na-ku.
Ni Juda ni Izalaiele, tunde ku Dane katé ku Beleseba, anga a kala bhua kondama, kala muthu u di xibhʼê mu kilembeketa kia muvide uê ni mu kilembeketa kia mufiuku uê, izuua ioso ia utuminu ua Solomá.
Maji ki mu sote ku Betele, mba muiza bhu Jidingale, ki muie ue ku Beleseba, mukonda, o ku tanga kidi, Jidingale a-nda ku mu ambata ku ubhika, o Betele a-nda ku mu sengulula u xala kilombo ngundu.
Kienhokio ana Oso a Izalaiele hé a tunda, kilombo kioso anga ki bhongoloka kala muthu umoxi ngó, tundé ku Dani katé ku Bele-seba, ni ixi ia Ngiliiade kumoxi, a bhongoloka kua Jihova bhu Mixipa.