Dimatekenu 21:17 - O Mikanda Ikola

¹⁷ Nzambi anga uívua dízui dia kamona; anjo ia Nzambi anga u handekela Hangale; dízui dia tundu muene mu diulu, uixi: Ihi i uala na-iu, Hangale? Kana kukala ni hele ia kima; kuma Nzambi uevu dízui dia mona tundé bhuoso bhu ua mu bhake.

Dimatekenu 21:17 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 16:11

Anjo ia Jihova anga u mu ambela, uixi: Ki uala ni divumuʼokio, ua-nda kuvuala monʼa diiala; ua kà mu luka dijina dia Ijimaiele, mukonda Jihova ua ku ivu o kutata kuê.

Dimatekenu 16:7

O anjo ia Jihova anga i mu sanga bhu fiẋi ia menha mu kikangalakata, fiẋi ia njila ia Sule.

Dimatekenu 16:8

Hé u mu ambela uixi: Hangale, kahatu ka Salai, ua tundu kuebhi? u di telo kuebhi? Kuala muene: Nga lenge o pholo ia ngana iami Salai.

Dimatekenu 16:9

Anjo ia Jihova anga u mu ambela, uixi: Vutuka kua ngana ié, u tulokele bhu lukuaku luê.

Dimatekenu 22:11

Maji o Anjo ia Jihova anga u mu handekela, tunde ku diulu, uixi: Mbalahamu! Muene anga u vutula uixi: Emʼiú.

Dimatekenu 24:7

Jihova, Nzambi ia diulu, ua ngi katula mu dibhata dia tatʼetu, ni mʼoxi mua ngi vualela, iú ua ngi zuelesa, ua ngi lokela, uixi: Ixi ienhiʼii ngi i bhana mbutu ié; muene ua kà tuma anjo iê ku pholo, o kuenhoko kuene ku ua kà bhenga muhatu phala monʼami.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 46:3

Nzambi anga u kuata ku mu zuelesa, uixi: Eme Nzambi, Nzambi ia tatʼenu; kana kukala ni uoma ua kukulumuka ku Ijito; kuma nga kà ku sokolola koko, u di bhanga u kifuẋi kia dikota.

II Jisobha 13:23

Maji-phe, Jihova ua a kuatelele henda, anga u a lendukila, hé u a sakukila, mukonda dia henda ia kikutu kiê kia tele ni Mbalahamu, ni Izake, ni Jakobo; anga u dituna o ku a jima o mbutu, o bhu pholo iê ue, ka a kaie-bhu luua.

II Jisobha 13:4

Maji Jouakaji ua dionda bhu pholo ia Ngana, o Ngana anga u muʼivua, kuma ua tale o kutata kua Izalaiele, kioso kia a tatesa jinga kuala sobha ia Sídia.

Jisálamu 10:14

Eie-phe ua ki mono; kuma u mukua kutala o ikalakalu ia athu ni malamba mâ moso; phala eie u ki kuate muene konda bhu maku mé; eie muene hinu u zuela ku mulonga uâ; kokué kuene ku di bhakula uoso ua lémbua kubhânga; eie muene u dilemba dia jihukunhi.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 6:8

Tundenu bhu mbandu iami, enu oso mu ati a ituxi; kuma Jihova ua ngʼivu kiá dízui diami dia kudila.

Jisálamu 65:2

Eie u mukua kuívua o kusamba, ko kué kuene ku bhongolokela o xitu ioso.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 22:23

O ki kala-phe u ki bhanga o ku a tatesa, anga ene a di kola kokuami, eme-phe ngʼa evua muene o kudikola kuâ;

Makatukilu 22:27

kuma kiene o divunga diê, kiene ngó o kizuatu kia kuzuika o mukutu uê, kifua mukuenu u zeka ngoho? Kuma mu kuiza-ku, hé u dikola kokuami, ngi mu ivua; kuma eme nga lenduka, ngi mukua henda.

Makatukilu 3:2

Mukunji ua Jihova anga u mu tukulukila mu mulengu ua túbhia, ua uamena mu kaẋi ka kisasa; sui, kuala Mozé, o kisasa kia uama túbhia, maji o kisasa ki kia mu jokota.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Izaía 22:1

Muzambu ua dikôlo dia kisuma. Eie kindala ihi i uala na-iu, kia bhingi o mundu ué uoso a mu lengela bhu jihôngo ja jinzo.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Matesu 15:32

Jezú anga uixana jixibulu jê, uixi: O mundu nga a kuatela henda, mukonda nga nange-nâ izuua itatu kiá, kala dingi ni kúdia. Ki nga mesena ku a sulula ni nzala, sumba a sendukila mu njila.

Marku 5:36

Jezú-phe ka a suu kia zuela, u ambela dikota dia dilombe, uixi: Ku kale ni hele! Xikana ngo.

Matendelelu 26:7

Bhenhobho anga tu di tenda kua Jihova Nzambi ia jitata jetu; Jihova-phe ua tu ivu mutendu ua dízui dietu, ua tongolola o dilamba dietu, ni thonga ietu iala ku tu huha, ni kubhondalala kuetu.

Afundixi 18:23

Anga a kuata kukola-kola anʼa Dani. Ene anga a sakuka, hé ambela Mika, exi: Ihi kia ku kuata? Ua tu kaielela-hi ni mundu uosʼú u ua bhongolola kiki?

I Samuuele 11:5

Talesa-phe, ola ienhoio Saúlu iú uiza ni kukaiela jingombe jê, uala kutunda ku mábhia; Saúlu anga uila, uixi: Mundu ihi kia a kuata, ala mu dila kiki? Anga a mu kunda o maka ma akua Jabezi.