Dimatekenu 21:12 - O Mikanda Ikola

¹² Nzambi anga u ambela Mbalahamu, uixi: Ki ki ku iibhile, mukonda dia kaiala ni mukamʼé, ioso iala ku ku ambela Sala, xikana-iu; mukonda o mbutu ijiia kua Izake iene iexana kuma mbutu ié.

Dimatekenu 21:12 ပူးပေါင်းရင်းမြစ်များ

Dimatekenu 17:19

Ngana Nzambi, phe, u mu ambela, uixi: Ni kidi kiene, mukajiʼé Sala hinu ua-nda ku ku vualela monʼa diiala; eie-phe ua kà mu luka Izake; muenephe nga-nda ku ta-nê kikutu kiami; kikutu kinangenena phala o mbutu iê hádia i mu bhingana.

Dimatekenu 17:21

Kikutu kiami-phe ki kuatela kua Izake, a-nda ku ku vualela-nê kuala Sala, muvu uiza-mu, bhu kumbi kala bhabha.

Izaía 46:10

ngi mukua kutanga o dizubhilu tundé kiá bhu dimatekenu, tundé mu xiahulu muná ngi tanga ima kiluua iiza-ku; ngixi: Phangu iami inangenena, ngenda ni kubhanga vondadi iami ioso;

Ngalásia 4:30

Maji-phe o Mikanda Ikôla iambe kiebhi? Iambe kiki: Mukâma mu ambudise, ni monʼ ê, kuma o monʼ a mukâma ka tena kulundula mu bhata dia tatʼ â kumoxi ni monʼ a ndona.

Jihebeleu 11:18

Nzambi ua mu ambelele uixi: Mua Izake mua kà sokoloka miji ia ndumba, i kala mu dijina diê.

I Samuuele 8:7

Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.

I Samuuele 8:9

Kiki-phe a evue dizui diâ; maji eie-phe ua a ambela kidi kioso, u a lomboluela ni muanu kioso kia-ndu kala o utuminu ua sobha iâ, uoso anda ku mu hingisa.