Dimatekenu 21:10 - O Mikanda Ikola

¹⁰ Mukonda dia kiki, u ambela Mbalahamu, uixi: Kahatu kaka, mu kaie ni monʼê, kuma monʼa mukáma iú ka tena kulundula kumoxi ni monʼami Izake.

Dimatekenu 21:10 ပူးပေါင်းရင်းမြစ်များ

Dimatekenu 17:19

Ngana Nzambi, phe, u mu ambela, uixi: Ni kidi kiene, mukajiʼé Sala hinu ua-nda ku ku vualela monʼa diiala; eie-phe ua kà mu luka Izake; muenephe nga-nda ku ta-nê kikutu kiami; kikutu kinangenena phala o mbutu iê hádia i mu bhingana.

Dimatekenu 17:21

Kikutu kiami-phe ki kuatela kua Izake, a-nda ku ku vualela-nê kuala Sala, muvu uiza-mu, bhu kumbi kala bhabha.

Dimatekenu 20:11

Mbalahamu uixi: Mukonda nga fika ngixi bhu kididi kiki o uoma ua Nzambi kala na-u; ngixi-phe a-nda ku ngi jibha mukonda dia mukajiʼami.

Dimatekenu 22:10

Mbalahamu anga u sunununa lukuaku luê, u katula o mukuale, phala kujibha monʼê.

Dimatekenu 25:19

Ingo ia vumu ienhiʼii ia Izake, monʼa Mbalahamu: Mbalahamu u vuala Izake:

Dimatekenu 25:6

Maji anʼa akâma-phe, a kexe-nâ Mbalahamu, Mbalahamu ua a bhana maujitu kioso muene kiala hanji ku muenhu, u a tuma ku leste, a di sandule ni monʼê Izake, a kala mʼoxi ia mutundila-kumbi.

Jisabhu 22:10

Semenhi mu kaie, phala mvunda isuke; kuma muene ki aia, ni mulonga uabhu; ni kusonoka o pholo ue kuabhuku.

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Nzuá 8:35

Mubhika-phe kene kuxala mʼonzo, o mona-phe u xalela.

Ngalásia 3:18

Kuma o Nzambi kioso kia bhana, se ua ki bhela mukonda dia Kitumu, kedi dingi kuma ua ki bhela o polomesa ia diangele kubhana. Maji Nzambi-phe mu ngoho ua bhana kua Mbalahamu kiokio kia diangele kiá ku mu bhela o polomesa.

Ngalásia 4:7

Kala kiki, ki muala dingi mu abhika, maji muala mu ana; o ki muedi mu ana, Nzambi ua kà mi bhana ioso ia bhakela anʼ ê mua Kristu.

I Phetele 1:4

Uila kiki, tua kinga kutambula kua Nzambi o mabesá ma bhakela o mundu uê. Muanda kumona o undundu ki uene kubola, ki uene kuxila, ku uene kulela, ua mi xikamena ku diulu.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

Afundixi 11:2

O muhatuʼa Ngiliiade muene anga u mu vualela ue dingi ana mala; anʼa muhatuʼê enhá kia zubha kukula, a kaia Jefete, a mu ambela, exi: Eie ku tena kulundula mu dibhata dia tatʼetu; kuma eie u mona ua muhatu uengi.