Dimatekenu 21:1 - O Mikanda Ikola

¹ Jihova anga u zungila Sala kala kia tangele; Jihova anga u bhanga kua Sala kioso kia mu ambela.

Dimatekenu 21:1 ပူးပေါင်းရင်းမြစ်များ

Dimatekenu 17:16

Mukonda eme nga-nda ku mu zediuisa, ngi mu bhana dibhesá; nga-nda ku ku bhela kua muene, mona u tunda momuʼé; ngi mu bhana dibesá, u kala kivuadi ki bhanga miji; jisobha muene ji tumina ifuẋi hinu ji tunda ku mukutu uê.

Dimatekenu 17:19

Ngana Nzambi, phe, u mu ambela, uixi: Ni kidi kiene, mukajiʼé Sala hinu ua-nda ku ku vualela monʼa diiala; eie-phe ua kà mu luka Izake; muenephe nga-nda ku ta-nê kikutu kiami; kikutu kinangenena phala o mbutu iê hádia i mu bhingana.

Dimatekenu 17:21

Kikutu kiami-phe ki kuatela kua Izake, a-nda ku ku vualela-nê kuala Sala, muvu uiza-mu, bhu kumbi kala bhabha.

Dimatekenu 18:10

Kuala muene, sé kufula muene, muvu uiza-mu, bhu kumbi kala bheniʼabha, muhatuʼé Sala u kala ni mona. Sala anga u kʼivua, uala ku dima dia dibhitu mu balaka.

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Dimatekenu 24:36

O Sala-phe, mukaji a muadiʼami, ua mu vualela monʼa diiala mu ukukilu uê; o muene iú ua mu bhana o jimbongo jê joso.

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

II Jisobha 4:17

Anga o muhatu uimita, u vuala monʼa diiala, bhu kithangana kia tokala, ku izuua ia muenhu, kioso kia tenesa muvu, kala kia mu tangelele Ilizeu.

Jisálamu 106:4

Eme-phe, u Jihova, ngi xinganeke ni vondadi iambote kala ki uene kubhanga o mundu ué; ngi sange bhu ngala phala u ngi bhulule.

Jisálamu 12:6

Maka ma Jihova ma kenzuluka; ma soko ni phalata iózunze bhu jiku; a i zunza lusambuadi katé iabhu o dixilu.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 3:16

Ndeie, ua kà bhongolole adikimi a Izalaiele, ua kà ambele, kuma: Jihova, Nzambi ia jitata jenu, Nzambi ia Mbalahamu, ni Izake, ni Jakobo ua ngi tukulukila, uixi: Kidi kiene nga mi suu, nga mono ioso iala ku mi bhanga mu Ijitu.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Luka 1:68

Sakidilenu Ngana, Nzambi ia Izalaiele! Kuma mundu uê ua u zungila, ua u kula;

Luka 19:44

ji ku lundumuna, ni eie ni anʼé moxi dié. Bhenhabha kà kaxia-bhu ditadi ku thanduʼ a ditadi, mukonda eie ua kambele kuijiia o kithangana Nzambi kia ku zungidile, phala ku ku bhulula.

Ngalásia 4:23

Maji-phe o monʼ a mukama Uvuadiue uê ua xitu; monʼ a ndona-phe a mu vuala ku polomesa ia bhele Nzambi.

Ngalásia 4:28

Kiki enu jiphange jami, mua sokela ni Izake, muala mu anʼ a Nzambi mukonda dia polomesa.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Lute 1:6

Nouemi anga u balumuka ni akaji a anʼê mu kutunda mʼoxi ia Mouabhe nʼa vutukise ko kuâ, kuma uevila mʼoxi ia Mouabhe kuila Jihova ua xinganeka mundu uê, iu ua a bhana kia kúdia.

I Samuuele 1:19

Ki kúkia a di meneka, a bheza bhu pholo ia Jihova, anga a vutuka ku bhata diâ ku Lama. Elikana anga u ijiia mukajiʼê Hana, Jihova phe anga u ta muẋima kua Hana u mu lembalala dingi,

I Samuuele 2:21

Jihova anga u bhana dibesá kua Hana, muene u imita, anga u vuala anʼatatu a mala, ni anʼaiadi a ahatu. Kamona Samuuele anga u kala mu kudila bhu pholo ia Jihova.