Dimatekenu 20:9 - O Mikanda Ikola

⁹ Abimeleke anga u ixana Mbalahamu, u mu ambela, uixi: Eie ua tu bhange kiebhi? Eme nga ku te kituxi kiahi, phala ni eme ni ixi iami u tu bheke mu mulonga ua dikota? Eie ua ngi bhange ima ki i tokala ku i bhanga.

Dimatekenu 20:9 ပူးပေါင်းရင်းမြစ်များ

Dimatekenu 12:18

Falaó anga u ixana Mbalamu, uixi: Eie ua ngi bhangelaʼhi kiki? Ku ngi tangela-hi kuila muene mukajiʼê?

Dimatekenu 20:10

Abimeleke anga u ambela dingi Mbalahamu, uixi: Eie ua xinganeka kiebhi, ki ua bhange kima kala kiki?

Dimatekenu 20:8

Kúkia ni kimene Abimeleke u balumuka, u ixana mbèle iê ioso, u a tangela ioso iii mu mátui mâ; màla enhó a kala ni uoma uavulu.

Dimatekenu 26:10

Abimeleke-phe, uixi: Phala-hi-phe ku tu bhanga kiki? Bhenhabha kia tobhedié kiá kubhita, kuila diiala dioso-dioso ku kifuẋi kiki u zeka ni muhatuʼé, eie anga u tu bhekela kuêla ku thandu dietu.

Dimatekenu 29:25

Kúkia ni kimene, Jakobo kia mono kuma Liia a mu bhana-nê, u ambela Labano, uixi: Ua ngi bhangelaʼhi kiki? Manhi ki ngi ku bhikila mu ku ngi bhana Lakele? Eie-phe ua ngi tobheselaʼhi?

Dimatekenu 34:7

Anʼa Jakobo a mala kioso kia tundu mu iangu, ia eza ku bhata, kia zubha ku kʼivua, kia iibhila kiavulu; anga a kala ni njinda ia vulu, mukonda ió ua bheka kisunji mua Izalaiele, mù zeka ni monʼa Jakobo ua muhatu, kima ki ki tokala ku ki bhanga.

Dimatekenu 38:24

Ki bhua zubha kubhita mbeji jitatu, a ki kunda Juda exi: Mukajiʼa monʼé Tamale ua di bhange ndumbu; ua mono uala ni divumu dia lumbula mu undumbu. Juda uixi: Mu tubhudienu, a mu ohe mu túbhia.

Dimatekenu 39:9

o mʼonzʼumu ki muala dingi muthu ua ngi tundu ni kima; kana-ku ue kima kia ngi fudisa, ki kale ngó eie, mukonda eie u muhatuʼê; eme-phe ngi tena kiebhi kubhanga kuiibha kuosʼuku ni kuta kituxi kua Nzambi?

II Samuuele 12:5

Davidi anga njinda i mu kuata kiavulu ia muthu muene a mu tangeʼó; anga u ambela Natane, uixi: Nga loka muene kua Jihova uene ni muenhu, kuma muthu ua tena kubhanga kiki, ua tokala kúfua!

II Samuuele 13:12

Muene u mu vutuila, uixi: Kikôla, phangʼiami! Kana ku ngi bhanga kusuina! Kuma ka tokala kubhanga kala kiki mua Izalaiele; tula-kiu, kana kubhanga kisunji ki kala kiki!

Makatukilu 32:21

Mozé anga u ibhula Alá, uixi: Mundu iú ua ku bhange kiebhi, phala eie ku a bhekela ku thandu diâ, kituxi kia dikota kala kiki?

Makatukilu 32:35

Jihova anga u kuama o mundu mukonda a bhange ndumbe ia ngombe, ia iudika Alá.

Jisabhu 28:10

Muthu uoso u bhangesa kuila athu a iuka u a luezesa anga a kutuka njila iaiibha, muene-ku ua-nda kúfua mu diêla diê dia kande; maji athu aiukʼó, o mbote a i lundula muene.

Ijila 20:10

Se bhu kala ue diiala u ta phanda ni mukaj ʼangene, mukajʼa mukuá nʼa te-nê phanda, ni habu ia diiala, ni ndumbu ia muhatu a fue muene, sé phata.

Loma 2:11

Mukonda kua Nzambi ki kuene katungu ka athu.

Tito 1:11

Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

Josuué 7:25

O kia bhixila momo, Josuué anga u mu ambela, uixi: Eie ua tu bhekela-hi kuxixima kuosʼuku? Jihova phe ue ua ku bhe kuxixima kizuua kia lelu. Izalaiele ioso anga a mu bûba ni matadi bhenhobho. Anga a oha mu túbhia, kioso kia zubha ku a bûba ni matadi.