Dimatekenu 20:7 - O Mikanda Ikola

⁷ Kiki-phe mukaji a ngene mu bheke kua muadi uê, kuma muene polofeta, a ku diondele phala u laie; o ki u kamba ku mu bheka, ijiia na-kiu kuma u fua muene sé kufula, ni eie muene ni dibhata dioso dia ku tokala.

Dimatekenu 20:7 ပူးပေါင်းရင်းမြစ်များ

Dimatekenu 12:15

Jitata ja Falaó, kia zubha ku mu mona, a mu hanza bhu pholo ia Falaó; muhatu anga a mu ambata, a mu bheka ku mbanza kua Falaó.

Dimatekenu 12:17

Jihova anga u tatesa Falaó ni dibhata diê ni mabhebhu mavulu, mukonda dia Salai mukaji a Mbalamu.

Dimatekenu 2:17

maji ku muẋi-phe ua kuijiia kiauabha ni kiaiibha kana kudia-ku; mukonda o kizuua ki ua kà dia-ku, ijiia na-kiu kuma ua kà fua muene.

Dimatekenu 20:18

Kuma Jihova ua jika o mavumu oso a ahatu mu dibhata dia Abimeleke, mukonda dia Sala, mukaji a Mbalahamu.

Dimatekenu 20:3

Nzambi phe uiza kua Abimileke ku nzoji mu usuku, u mu ambela, uixi: Ki ualʼokio u mufi, mukonda muhatu ua mu bhake monzo ié mukaji a muthu, uala ni muadi uê.

Dimatekenu 20:8

Kúkia ni kimene Abimeleke u balumuka, u ixana mbèle iê ioso, u a tangela ioso iii mu mátui mâ; màla enhó a kala ni uoma uavulu.

Dimatekenu 23:6

Ivua-ze Ngana; u muadiakime ua Nzambi muʼaxaxi ketu; eie muene u sola, ioso mbila ia ku uabhela mu jimbila jetu, muene mu u fundila o difunda diê; kana muthu mudietu u tena ku ku imina mbila iê, phala u funde o kimbi kié.

II Samuuele 24:17

Davidi anga u ambela Jihova, kia mono o anjo iala kubeta o mundu, uixi: Tala, nga te kituxi eme, eme nga bhange kuthathamana; jimbudi jiji-phe ja bhange kima kiahi? Nga ku diondo, lukuaku lué lu ngi nemene eme, ni dibhata dia tatʼetu.

I Jisobha 13:6

Bhenhobho sobha u di kola, anga uambela muthu ua Nzambi, uixi: Ndoko samba bhu pholo ia Jihova, Nzambi ié phala u ngi diondele, mbé muene a ngi vutuile o lukuaku luami. Bhenhobho o muthu ua Nzambi anga u samba mu kudionda Ngana, sobha a mu vutuila dingi lukuaku luê, anga lu xalela dingi kala ki lua kexile mʼukulu.

II Jisobha 5:11

Maji Naamane njinda ia vulu i mu kuata, anga uié, ni kuila, uixi: Tala, eme nga xinganekene kuila: Muene uanda ku tunda, hé uiza, uimana, anga u hingila o dijina dia Jihova Nzambi iê, hé u bhitisa o lukuaku luê bhu kididi, o mukua dibhute anga uiluka.

I Malunda 16:22

O athu ami a undu ni maji, ki mu a kuate, o jipolofeta jami ki mu ji bhange kia iibha.

II Malunda 30:18

Mbata kifulu kia dikota kia athu, ndumba muene akua Ifalaíme, ni Manasa, ni Isakale, ni Nzebulone, sumbala ka di zelesele, maji o Phasu a i di muene, oko ki kiene kia ki soneka; Ezekiia-phe anga u a sambela ene, uixi;

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Jobe 42:8

Kuatenu-phe, sambuadi dia tuana tua ngombe ni sambuadi dia ilumbe ia jimbudi, muie kua mubhikʼami Jobe, mua kà di bhele jisata. Mubhikʼami Jobe muene ua kà mi sambela; mukonda nga-nda kuẋikina kudionda kuê, phala eme ki ngi mi bhange kala kia fuama mu ulaji uenu. Mbata enu ku mu ngi zuela kioso kia iuka, kiókio kia fuama, kala o mubhikʼami Jobe.

Jisálamu 25:14

Ukamba ua Jihova u kala ni akua uoma uê; u a ejidisa kioso ki kala kikutu kiê.

Makatukilu 18:17

Ukouʼa Mozé-phe, u mu ambela, uixi: Ki ki uabha, ki uala mu bhanga.

Makatukilu 4:16

Muene u kala muzumbu ué uakuzuela ni mundu; o ki muia ni kuenda, muene u kala diaknu dié, eie-phe u mu kala mukuâ ni Nzambi.

Makatukilu 7:1

Jihova anga u ambela Mozé, uixi: Aluka-ze, nga ku bhange kala u Nzambi kua Falaó; kota dié Alá u kala-phe polofeta ié.

Jelemiia 14:11

Jihova ua ngambela dingi, uixi; Mundu iú ku a diondele mbote ia kima.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Jelemiia 27:18

Mbata se ene ala jipolofeta muene, se kizuelu kia Jihova kiʼala ni ene, a sambe-phe hanji kindala kua Jihova dia Ilombo Ieta, phala o itutu ia subhuka mʼonzo ia sobha ia Juda mu Jeluzaleme, ki íie dingi ku Babilonha.

Izekiiele 3:18

Kioso eme ki ngiia o muthu ua iibha, ngixi: Ua-nda kúfua, ni kidi kiene, eie anga u kamba ku mu dimuna, u fula o kuzuela phala kudimuna o muthu uaiibha ku njila iê ia iibha, phala kubhulula o muenhu uê, muthu ió uaiibha ua kà fua mu kikuma kiê, maji o manhinga mê nga kà mʼèbhula bhu lukauku lué-eie.

Izekiiele 33:8

Eme kioso ki ngiia o mukua phulu: Eʼmukua phulu, ua-ndo-fua, ni kidi muene; eie hé u kamba kuzuela, phala kuvutula o mukua phulu ku njila iê, mukua phulu iú ua kà fua muene mu kikuma kiê, maji o manhinga mê, eme nga kà mʼèbhula bhu lukauku luè-eie.

Ijila 6:4

se kiene ki kia bhiti, kituxi ua ki te, uala ni kuêla; kikale u futa kioso kia nhana, mba kia tambula mu kusuina mba kimbamba kia mu bhakesa, mba kiangene kia bongo, o mukua kiê ua mu ijiia,

Ijila 6:7

o nganga anga u mu bhangela o kiamenga bhu pholo ia Jihova; anga a mu loloka kioso kia bhange kia mu bhekela o kuêla.

Jipoxolo 8:24

Ximá bhenhobho u kumbulula Phetele ni Nzuá, uixi: Ngi sambedienu kua Ngana, nga mi diondo, phala o ima i mu tangeʼ oio ki iize ko kuami.

I Kolindo 14:4

Uoso u zuela mu mbimbi jengi, ua di kuatekesa ngó muène, maji uoso-phe u tanga o Maka ma Nzambi, u kuatekesa o Ngeleja ioso.

Jihebeleu 1:1

Nzambi, ua vudile jithembu ni jimoda ja kuzuelela o jitata jetu mʼ ukulu ku jipolofeta.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

I Nzuá 5:16

Se muthu u mona phangʼiê uala mu ta kituxi, maji ki kituxi kia kúfua, a mu bhingile, Nzambi nda a mu bhane muenhu muenhó uoso u ta kituxi, ki kituxi kia kúfua. Sai-ku kituxi kia kúfua; ki kiene-phe eme ki nga mi ambela kuila mu ki bhingila.

I Samuuele 12:19

Mundu uoso anga ambela Samuuele, exi: Tu sambele, tu abhikʼé, kua Jihova, Nzambi ié, phala tu kambe kúfua; mukonda ku ituxi ietu ioso tua bandekeza-ku dingi kiki, kia kubhinga sobha.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.

I Samuuele 7:5

Samuuele anga u zuela dingi, uixi: Bhongololenu Izalaiele ioso bhu Mixipa, phala eme ngi mi sambele kua Jihova.

I Samuuele 7:8

Anʼa Izalaiele anga ambela Samuuele, exi: Kana kuzumbuka ku tu kolela kua Jihova Nzambi ietu, phala a tu bhulule bhu maku ma akua Fidíxia.