Dimatekenu 20:6 - O Mikanda Ikola

⁶ Nzambi anga u mu ambela ku nzoji, uixi: Nga kʼijiia muene kuma ua ki bhange ni muxima ua uabha, eme uami kiene ki nga ku fudisila o kuta kituxi ko kuami; kiene ki nga ku fudisila o ku mu kuata.

Dimatekenu 20:6 ပူးပေါင်းရင်းမြစ်များ

Dimatekenu 20:18

Kuma Jihova ua jika o mavumu oso a ahatu mu dibhata dia Abimeleke, mukonda dia Sala, mukaji a Mbalahamu.

Dimatekenu 26:11

Abimeleke bhenhobho anga u tendelela o mundu uê uoso, uixi: Uoso u kuata ku diiala didi mba kua muhatuʼê, u kala muthu ua ku mu jibha.

Dimatekenu 3:3

maji muẋi ngó umoxi uala mu kaẋi ka díbhia, uene ua tu kidika kudia ibundu iê; kuma Nzambi uambe, uixi: Kana kudia-ku, mba kukuata-ku ngó, phala ki mu fue.

Dimatekenu 31:24

Nzambi anga uiza kua Labano, mukua Sídia, ku nzoji mu usuku, uixi: Aiuka kioso ki ua-nda kubhanga, Jakobo kana kuzuela-nê kiauabha mba kiaiibha.

Dimatekenu 31:7

Maji muene-phe ua ngi nganala, futu iami i tua bângana, ua i lungulula mu lukuinhi luosʼulu; Nzambi-phe ka mu ehela ku ngi bhanga kiaiibha.

Dimatekenu 35:5

Anga a katuka, Nzambi anga u ta uoma uavulu ku thandu dia madiembu mâ a kala mu jimbandu, ki bhuala ua tena kukaiela ana a Jakobo.

Dimatekenu 39:9

o mʼonzʼumu ki muala dingi muthu ua ngi tundu ni kima; kana-ku ue kima kia ngi fudisa, ki kale ngó eie, mukonda eie u muhatuʼê; eme-phe ngi tena kiebhi kubhanga kuiibha kuosʼuku ni kuta kituxi kua Nzambi?

Jisálamu 51:4

Ko kué Ngana, ko kué èlele, ku nga tondala, nga bhange kiaiibha muene ku mesu mé; eie bhenhobho u kala ni kidi kié mu zuela; u lungé muene ki u ngʼêlesa.

Jisálamu 81:12

Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Makatukilu 34:24

Mukonda eme ngi kaia ifuẋi ia miji iengi bhu pholo ienu, ngi kudisa jimbambe jaʼxi ienu; kana muthu ue u kala ni luimbi lua mavu enu, kioso enu ki mu banda mu ku di bhakula bhu pholo ia Jihova Nzambi ienu, lutatu ku muvu.

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Jisabhu 6:29

Kiene-phe kibhita ni uoso u di-bonga ni mukaji a mukuá; kà kamba kikuma, uoso ngó u mu tuta lukuaku.

Ijila 6:2

Se muthu u ta kituxi, anga u tondala kua Jihova, mu ku di tuna kubhana kua mukuá o kimbamba kia mu bhana kulanga, mba kima kia mu bhakesa, mba ua ki nhana, mba u bhanga kusuina anga u bhunda kima kia ngene kia mukuá,

Matesu 27:19

Kioso ue kia xikama Pilatu bhu kibhuna kia kufundisila, mukajiʼê u mu tumikisa njimbu, uixi: Muthu ió kala ni kituxi, eie kana ku di ta mu mulonga uê; kuma ku nzoji lelu nga mono phaxi iavulu mukonda diê-muène.

I Kolindo 7:1

Kiki-phe, nganda kuzuela ku maka ió u mua ngi sonekena. Ngambe kuma ki uabha se diiala di kamba kusakana muhatu.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

II Tesalonika 2:11

Mukonda dia kiki, Nzambi ua a tumikisa nguzu ia a bhekela kavanza ka kutondala, phala a xikane o makutu.

II Tesalonika 2:7

Kuma o Usueia ua Kasuekele ua kuata kiá kukalakala, maji sai-ku hanji uala kufudisa, katé kia kà mu katula mu njila.

I Samuuele 25:26

Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.

I Samuuele 25:34

Kuma ni kidi muene kala Jihova, Nzambi ia Izalaiele kiala ku muenhu iú ua ngi fudisa ku ku kuama, se eie ua kambele ku lenguluka kuiza ku ngi batuila, katé ki kúkia, eme ki ngeji kuxila Nabale ku muenhu, né ngó monʼumoxi ua diiala uòfele-fele.