Dimatekenu 20:5 - O Mikanda Ikola

⁵ Ki muene ua ngʼambela, uixi: Phange iami ia muhatu? O muene muhatu ua kiambe ue kuma phange iami ia diiala? Kiki eme nga ki bhange ni muxima ua uabha ni maku a ngi zele.

Dimatekenu 20:5 ပူးပေါင်းရင်းမြစ်များ

Dimatekenu 12:13

Nga ku diondo-phe, ua kèla kuma u phange iami ia muhatu; phala a ngi bhange o mbote mukonda diʼeie, mu henda ié-eie eme ngi xale ni muenhu.

Dimatekenu 20:13

Ku izuua-phe, Nzambi kia ngi katula mu bhata dia tatʼetu, iú ua ngi bheka mu inhunginu, eme nga mu ambela ngixi iene mbote i u bhangʼiii: Kioso kididi ki tuà tula, ua kèla kuma phange iami ia diiala.

Dimatekenu 20:16

Anga u ambela Sala, uixi: Talesa, phangʼié nga mu bhana midi ia itadi ia phalata; i kale ia ku ku futa ku mesu, ni oso a ku tokala ni ku athu engi oso-oso; ki bhuala dingi bhu tua ku tondala, ki bhuala dingi mulonga.

I Jisobha 9:4

Eie muene-phe se uenda jinga bhu pholo iami ni kivimba kia muẋima ni uthu ua tenena, kala kiendele tatʼenu Davidi, anga u bhanga jinga ima ioso i nga ku tumu, anga u bhaka itumu iami ni jiphangu jami,

II Jisobha 20:3

Auá! Jihova, tata! Nga ku diondo xinganeka kuila ngʼende bhu pholo ié ni kidi, ni muẋima ua tenena nga bhange muene ima ia kuiuka bhu mesu mé-eie.

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

Jobe 33:9

Eme nga zele, ki ngi moneka kikuma; nga iuka, ki ngene ni mulonga.

Jisálamu 24:4

Uoso makuʼê a mu zele, o muẋima uê uabhu ufusa; ua kambe kukaiela ulalu, ka xikina kuloka mu kunganala mukuá.

Jisálamu 25:21

Kuiuka kuami ni kutetuluka ku ngi konde mbandu ni mbandu; kuma eie-muène, Ngana, nga ku kinga.

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 7:8

Jihova mukua kufundisa o ifuẋi ioso, a dikola kokué, ngi fundise eme, u Jihova, kala kia tokala mu kulúnga kuami, ni mu kidi kiami ki ngala na-kiu moxi.

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jisálamu 73:13

Kifua-ze eme nga tale ngó hadi ia ku di zelesa o muẋima ni kusukula o makuʼami nʼa bhue o maxaka.

Jisálamu 78:72

Davidi anga u kala mubidi uâ, ni muẋima uatenena, ua endesa muene ni maku a hete.

Jisabhu 11:3

O kidi kia athu aiuka, kiene kia kà endesa; maji o uendelu ua lusebu, u bhekela atondadi kusekala.

Jisabhu 20:7

Muthu ua iuka, uendela mu kuiuka kuê, ió kuzediua u ku xila anʼê, muene kia tunda-ku.

Daniiele 6:22

Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

I Tesalonika 2:10

Enu mu jimbangi, Nzambi ue mbangi, kuma tu athu a ujitu, tu athu aiuka, tu athu ki tu moneka kikuma, mu kuenda kuetu mu ʼaxaxe kenu oso mua xikana.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.

Josuué 22:22

Nzambi ia jinzambi, Muteni-a-Ioso, Jihova, ua kʼijiia; Nzambi ia jinzambi, Muteni-a-Ioso, Jihova muene a tume ku kʼijiia, ni Izalaiele ki mu tetulukile muene; se o ki tua bhangʼiki, kukituka kua tu bhangesa-kiu, mba kutulumbila Jihova kua tu kuata, ka tu ehele kukola muenhu lelu!