Dimatekenu 20:17 - O Mikanda Ikola

¹⁷ Mbalahamu anga u samba kua Nzambi; Nzambi anga u saka Abimeleke, ni mukajiʼê ni anʼa ahatu ku mbèle iê, a kala dingi mu vuala ana.

Dimatekenu 20:17 ပူးပေါင်းရင်းမြစ်များ

Dimatekenu 12:17

Jihova anga u tatesa Falaó ni dibhata diê ni mabhebhu mavulu, mukonda dia Salai mukaji a Mbalamu.

Dimatekenu 20:7

Kiki-phe mukaji a ngene mu bheke kua muadi uê, kuma muene polofeta, a ku diondele phala u laie; o ki u kamba ku mu bheka, ijiia na-kiu kuma u fua muene sé kufula, ni eie muene ni dibhata dioso dia ku tokala.

Dimatekenu 29:31

Jihova phe kia mono kuma Liia a mu zembe, u jikula divumu diê; Lakele-phe ua mu bhange kisûla.

Ejidala 6:10

Phala a bhakule jisata ja dizumba dia mbote kua Nzambi ia diulu, nda a sambele ue muenhu ua sobha ni ua tuana tuê.

Jobe 42:8

Kuatenu-phe, sambuadi dia tuana tua ngombe ni sambuadi dia ilumbe ia jimbudi, muie kua mubhikʼami Jobe, mua kà di bhele jisata. Mubhikʼami Jobe muene ua kà mi sambela; mukonda nga-nda kuẋikina kudionda kuê, phala eme ki ngi mi bhange kala kia fuama mu ulaji uenu. Mbata enu ku mu ngi zuela kioso kia iuka, kiókio kia fuama, kala o mubhikʼami Jobe.

Jisabhu 15:29

Jihova athu a bhuma ua sanduka dikanga; maji uividila o musambu ua athu aiuka.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Izaía 45:11

Jihova, Lemba dia Vumu, Ngûmbi ia Izalaiele, uambe kiki: Ngʼibhulienu eme o ima ia hádia; ngi tokuesienu ku mbandu ia anʼami, ni ima ia tokala ku ikalakalu ia maku mami.

Dialuilu 12:13

Mozé anga u di kola kua Jihova, uixi: Nzambi, mu sake, nga ku diondo.

Dialuilu 21:7

Kifuẋi anga eza kua Mozé, exi: Tua te kituxi, mukonda tua longolola Jihova ni eie; tu sambele kua Jihova, a tu katule jinhoka ja túbhia. Mozé anga u sambela o kifuẋi.

Matesu 21:22

Ni ima ioso kiá i mu bhinga mu kusamba, ni kuxikana, mu i tambula.

Matesu 7:7

Bhinga, nda a ku bhane; sota, nda u sange; ṗhuṗha, nda a ku jikuile.

Jipoxolo 3:24

Katé muene ni jipolofeta joso, tunde kua Samuuele, ni akuá oso a mu kaiela, oso kiá a zuela-jinga, izuua ienʼii a i tanga jinga.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

I Tesalonika 5:25

Phange jetu, tu sambedienu ue etu.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.