Dimatekenu 2:9 - O Mikanda Ikola

⁹ Jihova Nzambi anga u sabhukisa mu mavu mbutu ioso ia miẋi ia uabha ku mesu, ia uabha ue ku i dia; mu kaẋi ka díbhia mu kala ue ni muẋi ua muenhu, ni muẋi ua kuijiia kiauabha ni kiaiibha.

Dimatekenu 2:9 ပူးပေါင်းရင်းမြစ်များ

Dimatekenu 2:17

maji ku muẋi-phe ua kuijiia kiauabha ni kiaiibha kana kudia-ku; mukonda o kizuua ki ua kà dia-ku, ijiia na-kiu kuma ua kà fua muene.

Dimatekenu 3:22

Ngana Nzambi anga u zuela, uixi: Tala, muthu ua di bhange kiá kala mukuetu, mu kuijiia kiauabha ni kiaiibha; kala kiki-phe, amoxi u sunununa lukuaku luê, u nomona ue ku muẋi ua muenhu, u dia, nʼa kale ni muenhu ua kambe dizubhilu;

Dimatekenu 3:24

O muthu kia zubha o ku mu kaia, Nzambi u ta jixelube ku mutundila-kumbi ua kadíbhia ka Edene, ni xibhata ia mulengu u lunga kuku, u lunga koko, mu kuxita o njila iia ku muẋi ua muenhu.

Dimatekenu 3:3

maji muẋi ngó umoxi uala mu kaẋi ka díbhia, uene ua tu kidika kudia ibundu iê; kuma Nzambi uambe, uixi: Kana kudia-ku, mba kukuata-ku ngó, phala ki mu fue.

Dimatekenu 3:5

Mukonda Nzambi ua kʼijiia kuma kizuua ki mu dia-ku, mua-nda kutona mesu, mu sokela ni Nzambi, mu ijiia kiauabha ni kiaiibha.

Jisabhu 11:30

Muthu uambote, ibundu iê i di fuangana ni muxi ua muenhu; uoso u sungila kokuê o mienhu ia athu, muene njimu.

Jisabhu 3:18

Oso a u kuata, a bongo muxi ua muenhu; azediua athu oso a u jijila.

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Izaía 47:10

Kuma uadielela o phulu ié, uixi: Ki bhuala u tena ku ngi mona; o unjimu ué ni ndunge jé ji ua di-longo, jene ja ku bhekela kujimbila, eie uambe ku muẋima ué, uixi: Eme-muène ngó, kana-ku muthu ni mukuetu nga soko-nê.

Izekiiele 31:16

O miji ioso nga i teketesa ni muxindu ua kibhalu kiê, kioso ki nga mu tuluila mu ifélunu kumoxi ni ió a tuluka mu kina; o miẋi ioso ia Edene, o itulu ni kioso kia beta o kuuabha mu muxitu ua Libano, ni miẋi ioso i nua o menha, ia kexile mu ku di kondela-na-iu o malamba mu ixi ia beta o kuboloka.

Izekiiele 31:18

O ku miẋi ia Edene, nanhi-phe ua di fu-nê ku matunda ni kijingo? Sumbale kiene, maji-phe ua-nda kuselumuka kumoxi ni miẋi ia Edene mu ixi ia beta o kuboloka; ua-nda kuila suualá mu kaxi ka akua mabôlo kumoxi ni iá a a kubujula ni xibhata; muenhú-phe muene Falaó ni mundu uê uoso, Ngana Nzambi ua ki zuela.

Izekiiele 47:12

O ku mbanduʼa honga, ku kibumu kiê, ku sámbua ni sámbua, ku sabhuka ídifua ioso ia miẋi i bhana o ibundu ia kúdia; o dífue diê ki di lela, o kibundu kiê ki kiene dingi mu ku kamba; o bhu jimbeji ja tokala, i lukula jinga ibundu ia ubhe, mukonda o menha mê a mu tunda muene bhu dibhezelu; o ibundu iê ia kà uabhela ku i dia, o mafe mê milôngo.

Nzuá 6:48

Eme ngi mbolo ia muenhu.

I Kolindo 8:1

Kindala nganda ku kuata ku maka ma makudia ma satela o iteka. Ni kidi kiene, kala kiene mú ki tanga, etu oso sai kuijiia kuetu. O kuijiia kuenhuku-phe ku nanukisa o mukua ukumbu; maji o henda-phe i tungisa.

Matendelelu 6:25

Kifua-phe o ki tu kuata muanu ua kubhanga itumu ioso ia tu xindi o ijiia iene ioso iii, kala kia tu tendelela Jihova Nzambi ietu, kuene ku tu muena o kulúnga.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 22:14

Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.

Dijingunuinu 22:2

ia-lu kunguluka mu kaxi ka nzunga ia mbanza. Ku sàmbua ni sàmbua dia ngiji, kukala mixi ia muenhu, iene mu kuima kuinhi dia kualidade ni kiiadi ia ibundu ku muvu, i bhana ibundu iê mbeji joso. O mafe mê ma uabhela o kusaka akuajixi.